തോട്ടപ്പള്ളിയിൽ ജലഘോഷയാത്ര

അമ്പലപ്പുഴ: അമ്പലപ്പുഴ മണ്ഡലം സാംസ്കാരികോത്സവത്തിന്റെ ഭാഗമായി തോട്ടപ്പള്ളി ബീച്ച് ഫെസ്റ്റിന്റെ വരവറിയിച്ച് പുറക്കാട് കന്നിട്ടക്കടവിൽ നിന്ന് നിരവധി വള്ളങ്ങൾ അണിനിരന്ന് വാദ്യമേളങ്ങളുടെയും വഞ്ചിപ്പാട്ടിന്റെയും അകമ്പടിയിൽ ജലഘോഷയാത്ര നടത്തി. എച്ച് .സലാം എം. എൽ. എ ജലഘോഷയാത്ര ഫ്ലാഗ് ഓഫ് ചെയ്തു. പുറക്കാട് പഞ്ചായത്ത് പ്രസിഡന്റ് എ.എസ്.സുദർശനൻ അദ്ധ്യക്ഷനായി. എ.ഓമനക്കുട്ടൻ, വി.സി.മധു,കെ.കൃഷ്ണമ്മ, മോഹൻ സി.അറവുന്തറ, ആർ.ഉണ്ണി, ആർ.സുനി, എസ്.ശ്രീകുമാർ, ബിബീഷ് എന്നിവർ സംസാരിച്ചു. ജലഘോഷയാത്ര തോട്ടപ്പള്ളി സ്പിൽവേക്ക് സമീപം സമാപിച്ചു.