കൊട്ടിയത്ത് പൊലീസ് നേതൃത്വത്തി​ൽ കൂട്ടയോട്ടം

​കൊട്ടിയം: രാഷ്ട്രീയ ഏകതാ ദിനത്തോടനുബന്ധിച്ച് റൺ ഫോർ യൂണിറ്റി, റൺ എഗൻസ്റ്റ് ഡ്രഗ്‌സ് എന്നീ ആശയങ്ങൾ ഉയർത്തി കൊട്ടിയം പൊലീസി​ന്റെ ആഭിമുഖ്യത്തിൽ കൂട്ടയോട്ടം സംഘടിപ്പിച്ചു. പൊലീസ് ഉദ്യോഗസ്ഥർ, വിദ്യാർത്ഥികൾ, അദ്ധ്യാപകർ, രക്ഷിതാക്കൾ, പൗരപ്രമുഖർ എന്നിവർ പങ്കെടുത്തു. ​കൊല്ലം സ്പെഷ്യൽ ബ്രാഞ്ച് അസിസ്റ്റന്റ് കമ്മി​ഷണർ പ്രദീപ്കുമാർ, ചാത്തന്നൂർ എ.സി.പ അലക്സാണ്ടർ തങ്കച്ചൻ, കൊട്ടിയം സ്റ്റേഷൻ ഹൗസ് ഓഫീസർ പ്രദീപ് എന്നിവർ നേതൃത്വം നൽകി. ​മുഖത്തല എം.ജി.ടി.എച്ച്.എസ്, എൻ.എസ്.എം ജി.എച്ച്.എസ് കൊട്ടിയം എന്നീ സ്കൂളുകളിലെ സ്റ്റുഡൻസ് പൊലീസ് കേഡറ്റുകൾ, അദ്ധ്യാപകർ, രക്ഷിതാക്കൾ, കൊട്ടിയം പൊലീസ് സ്റ്റേഷനിലെ ഉദ്യോഗസ്ഥർ എന്നിവർ അണിനിരന്നു. ​കൊട്ടിയം പോലീസ് സ്റ്റേഷൻ സബ് ഇൻസ്പെക്ടർമാരായ നിതിൻ നളൻ, വിഷ്ണു, ഡി.എച്ച്.ക്യു സബ് ഇൻസ്പെക്ടർ വൈ. സാബു എന്നിവരും പരിപാടിയിൽ പങ്കെടുത്തു.