'ശമ്പള പരിഷ്‌കരണം അനുവദിക്കുക"

കുമളി: കെ.എസ്.ടി.എ പീരുമേട് ഉപജില്ലാസമ്മേളനം സംസ്ഥാന എക്സിക്യൂട്ടീവ് കമ്മിറ്റി അംഗം വി. അനിത ഉദ്ഘാടനം ചെയ്തു. ഉപജില്ലാ പ്രസിഡന്റ് കെ.എസ്. ശ്രീജിത്കുമാർ അദ്ധ്യക്ഷത വഹിച്ച സമ്മേളനത്തിൽ ജില്ലാ ജോയിന്റ് സെക്രട്ടറി കെ.എ. ബിനുമോൻ സംഘടനാ റിപ്പോർട്ട് അവതരിപ്പിച്ചു. ഉപജില്ലാ സെക്രട്ടറി പി. ജയകുമാർ പ്രവർത്തന റിപ്പോർട്ടും ട്രഷറർ സാബു ജോസഫ് വരവ്‌ചെലവ് കണക്കും അവതരിപ്പിച്ചു. സംസ്ഥാന എക്സിക്യൂട്ടീവ് കമ്മിറ്റി അംഗം എം. രമേശ്, ജില്ലാ നേതാക്കളായ പി.ആർ. ബിന്ദു, എൽ. ശങ്കിലി, പി. പുഷ്പരാജ്, എസ്. ദുരൈരാജ്, കെ. പോൾരാജ് എന്നിവർ സംസാരിച്ചു. ഉദ്ഘാടന സമ്മേളനത്തിന് സംഘാടക സമിതി ചെയർമാൻ കെ.എം. സിദ്ദിഖ് സ്വാഗതവും സി. പ്രിൻസ് നന്ദിയും പറഞ്ഞു. പ്രതിനിധി സമ്മേളനത്തിന് ബ്രാഞ്ച് സെക്രട്ടറി എം. ബിനുകുമാർ നന്ദി പറഞ്ഞു. സമ്മേളനത്തോടനുബന്ധിച്ച് കുമളി ഒന്നാം മൈലിൽ നടന്ന പൊതുയോഗം എം. രമേശ് ഉദ്ഘാടനം ചെയ്തു. ഉപ ജില്ലാ പ്രസിഡന്റായി കെ.എസ്. ശ്രീജിത്കുമാർ, സെക്രട്ടറിയായി പി. ജയകുമാർ, ട്രഷററായി സാബു ജോസഫ് എന്നിവരെ സമ്മേളനം തിരഞ്ഞെടുത്തു. ശമ്പള പരിഷ്‌കരണ നടപടികൾ ഉടൻ ആരംഭിക്കണമെന്ന് സമ്മേളനം പ്രമേയത്തിലൂടെ സർക്കാരിനോട് ആവശ്യപ്പെട്ടു.