സൈക്കിൾ യാത്ര

പട്ടാമ്പി: ലോക പ്രമേഹ ദിനത്തിന്റെ ഭാഗമായി പട്ടാമ്പി മുതൽ പാലക്കാട് സിവിൽസ്റ്റേഷൻ വരെ സൈക്കിളിൽ സഞ്ചരിച്ച് ആരോഗ്യസന്ദേശം പ്രചരിപ്പിച്ച് ദേശീയ ജീവിതശൈലി രോഗ നിയന്ത്രണ പരിപാടിയുടെ ജില്ലാ നോഡൽ ഓഫീസർ ഡോ. കെ.പി.അഹമ്മദ് അഫ്സൽ മാതൃകയായി. പ്രമേഹം നിയന്ത്രിക്കാൻ വ്യായാമത്തിന്റെയും സജീവ ജീവിതശൈലിയുടെയും പ്രാധാന്യം പൊതുജനങ്ങളിലെത്തിക്കുക എന്നതാണ് സൈക്കിൾ യാത്രയുടെ ലക്ഷ്യം. പട്ടാമ്പിയിൽ നിന്ന് രാവിലെ 6.30ന് തുടങ്ങിയ യാത്ര 58 കിലോമീറ്റർ സഞ്ചരിച്ച് 9.40ന് പാലക്കാട് സിവിൽ സ്റ്റേഷനിൽ സമാപിച്ചു.