അന്താരാഷ്ട്ര മുരുക ഭക്തസംഗമം 28ന്  

കൊച്ചി: എറണാകുളത്തപ്പൻ ശിവക്ഷേത്രം ഹാളിൽ 28ന് അന്താരാഷ്ട്ര മുരുക ഭക്തസംഗമം നടക്കും. രാവിലെ 6ന് മഹാഗണപതി ഹോമത്തോടെ തുടങ്ങുന്ന സംഗമം വൈകിട്ട് 6ന് മുരുകഭക്ത സമ്മേളനത്തോടെ സമാപിക്കും. 7ന് 18 സിദ്ധന്മാരെ സങ്കൽപ്പിച്ചുകൊണ്ട് അഷ്ടാദശസിദ്ധപൂജ, 8ന് വിദ്യമന്ത്രാർച്ചന, 9ന് മഹാസ്കന്ദഹോമം, 11 മുതൽ 3 വരെ ശത്രുസംഹാര ശക്തിവേൽപൂജ എന്നിവ നടക്കും. 12.30ന് പ്രസാദഊട്ട്. വൈകിട്ട് 3ന് വേൽഘോഷയാത്ര കെ.എസ്.ആർ.ടി.സി സ്റ്റാൻഡിന് സമീപത്തുള്ള കുമാരേശ്വര ക്ഷേത്രത്തിൽനിന്ന് ആരംഭിച്ച് എറണാകുളത്തപ്പൻ ശിവക്ഷേത്രത്തിൽ സമാപിക്കും. 5ന് സ്കന്ദഷഷ്ഠി കവചം പാരായണം, 5.30ന് നടക്കുന്ന മുരുകഭക്ത സമ്മേളനത്തിൽ പ്രമുഖ അദ്ധ്യാത്മിക, സാംസ്കാരിക നായകന്മാർ പങ്കെടുക്കുമെന്ന് സംയോജകൻ എസ്. ജയകൃഷ്ണൻ പറഞ്ഞു. സംഗമത്തിൽ പങ്കെടുക്കേണ്ടവർ 9447811618, 8893132299 എന്നീ ഫോൺനമ്പറുകളിൽ ബന്ധപ്പെടണം.