മണ്ണറിഞ്ഞ്,നാടറിഞ്ഞ് കൂട്ടുകാരുടെ സഹവാസക്യാമ്പ്

ബാലരാമപുരം: നേമം ഗവ.യു.പിഎസിലെ വിദ്യാർത്ഥികൾക്കായി മണ്ണറിഞ്ഞ്,​നാടറിഞ്ഞ് സഹവാസക്യാമ്പ് സംഘടിപ്പിച്ചു.നേമം സ്റ്റുഡിയോ റോഡിന്റെ ചരിത്രം അറിയാനായിരുന്നു വിദ്യാർത്ഥിക്കൂട്ടം ആദ്യമെത്തിയത്.നേമത്തെ മെരിലാന്റ് സ്റ്റുഡിയോയിൽ ക്യാമറാമാൻ രാമകൃഷ്ണൻ,സ്റ്റുഡിയോയുടെ ചരിത്രം വിവരിച്ചു നൽകി.സ്കൂൾ സോഷ്യൽ മീഡിയ സർവീസ് സ്കീമിന്റെ നേതൃത്വത്തിലായിരുന്നു ത്രിദിന സഹവാസക്യാമ്പ് നടന്നത്.ബാലരാമപുരം സ്പിന്നിംഗ്മിൽ വളപ്പിലെ സംയോജിത കൃഷിയിടം,​ട്രിവാൻഡ്രം സ്പിന്നിംഗ്മിൽ എന്നിവയും സസ്യങ്ങളെക്കുറിച്ച് അറിയാൻ പ്രകൃതിപഠനവും സംഘടിപ്പിച്ചു.ക്യാമ്പിന്റെ ഉദ്ഘാടനം കവി എൻ.എസ്.സുമേഷ് കൃഷ്ണൻ നിർവഹിച്ചു.കൃഷി അസിസ്റ്റന്റ് എസ്.കെ.ഷിനു,​മോട്ടിവേറ്റർ ഗിരീഷ് പരുത്തിമഠം,​കായിക പരിശീലകൻ ബോബസ്,​പ്രേമചന്ദ്രൻ നായർ,​ചിത്രകാരൻ ഹരി ചാരുത എന്നിവർ നേതൃത്വം നൽകി.ചരിത്ര പുരാവസ്തു പ്രദർശനവും നടന്നു.