കോഴിക്കോട് ഗോകുലം മാളിൽ ബെവ്കോ ഔട്ട്ലെറ്ര്

കോഴിക്കോട്: കോഴിക്കോട് മാവൂർ റോഡിലെ ഗോകുലം ഗലേറിയ മാളിൽ ബിവറേജസ് കോർപ്പറേഷന്റെ സൂപ്പർ പ്രീമിയം ഔട്ട്ലെറ്റ് തുടങ്ങി. ബെവ്കോ എം.ഡി ഹർഷിത അട്ടല്ലൂരി ഉദ്ഘാടനം ചെയ്തു. 'ഹൈ സ്പിരിറ്റ് ബെവ്കോ ബോട്ടിക്ക്' എന്നാണ് പേര്. കേരളത്തിൽ ആദ്യമായാണ് ഒരു മാളിൽ മദ്യ വില്പനശാല തുടങ്ങുന്നത്.

ബെവ്കോ ഔട്ട്ലെറ്റുകളിൽ ലഭിക്കുന്ന പ്രീമിയം ഇനം മദ്യങ്ങളെല്ലാം ഇവിടെ ലഭിക്കും. വിവിധ ബ്രാൻഡ് വിദേശ മദ്യവുമുണ്ട്. ഡ്യൂട്ടി ഫ്രീ ഷോപ്പുകളിൽ കിട്ടുന്ന ബ്രാൻഡുകളും ഇവിടെയുണ്ട്. ഗോഡൗൺ ഉൾപ്പെടെ 2,400 ചതുരശ്രയടി വിസ്തൃതിയുണ്ട് ഔട്ട്ലെറ്റിന്. ബെവ്കോയുടെ രണ്ടാമത്തെ സൂപ്പർ പ്രീമിയം ഔട്ട്ലെറ്റാണ് ഗോകുലം മാളിൽ ആരംഭിച്ചത്.