മറ്റത്തൂർ പഞ്ചായത്തിൽ വീണ്ടും കോൺഗ്രസ് - ബിജെപി സഖ്യം; കോൺഗ്രസിന്റെ മിനിമോൾ വൈസ് പ്രസിഡന്റ്

തൃശൂർ: മറ്റത്തൂർ പഞ്ചായത്തിൽ വീണ്ടും കോൺഗ്രസ് ബിജെപി സഖ്യം. വൈസ് പ്രസിഡന്റ് തിരഞ്ഞെടുപ്പിൽ ബിജെപി അംഗങ്ങൾ കോൺഗ്രസിന് വോട്ടുചെയ്‌തു. കോൺഗ്രസ് അംഗം മിനിമോൾ വൈസ് പ്രസിഡന്റായി തിരഞ്ഞെടുക്കപ്പെട്ടു.

എൽഡിഎഫ് - 10, യുഡിഎഫ് - എട്ട്, എൻഡിഎ - നാല്, വിമതർ - രണ്ട് എന്നിങ്ങനെയാണ് പഞ്ചായത്തിലെ കക്ഷിനില. രണ്ട് കോൺഗ്രസ് അംഗങ്ങൾ തിരഞ്ഞെടുപ്പിൽ നിന്ന് വിട്ടുനിന്നു. ഒരു വിമതൻ എൽഡിഎഫിനെ പിന്തുണച്ചു. ബിജെപിയും മിനിമോളെ പിന്തുണച്ചതോടെ എൽഡിഎഫിനും കോൺഗ്രസിനും വോട്ട് 11 -11 എന്ന നിലയിലായി. തുടർന്ന് നറുക്കെടുപ്പിലാണ് വൈസ് പ്രസിഡന്റിനെ തിരഞ്ഞെടുത്തത്.

നേരത്തെ മറ്റത്തൂർ പഞ്ചായത്തിൽ ബിജെപിയുടെ വോട്ടുനേടി ജയിച്ച പഞ്ചായത്ത് വൈസ് പ്രസിഡന്റ് നൂർജഹാൻ നവാസ് കോൺഗ്രസ് നേതൃത്വത്തിന്റെ നിർദേശത്തെത്തുടർന്ന് സ്ഥാനം രാജിവച്ചിരുന്നു. 24 അംഗങ്ങളുള്ള മറ്റത്തൂരിൽ ഏറ്റവും വലിയ ഒറ്റക്കക്ഷി എൽഡിഎഫാണ് - 11 സീറ്റ്.