കേന്ദ്ര ബഡ്‌ജറ്റ് നിരാശാജനകം: മന്ത്രി ബാലഗോപാൽ

കൊല്ലം: കേന്ദ്ര ബഡ്‌ജറ്റ് നിരാശാജനകമാണെന്നും ഭാവിയിലെ നമ്മുടെ സമ്പദ് വ്യവസ്ഥയെ ഇത്‌ ബാധിക്കുമെന്നും മന്ത്രി കെ.എൻ. ബാലഗോപാൽ. കേന്ദ്ര ബഡ്‌ജറ്റിൽ കേരളം പ്രതീക്ഷിച്ചതൊന്നും ലഭിച്ചില്ല. ആവശ്യപ്പെട്ടത്‌ ഡിഫൻസ്‌ ഇടനാഴിയാണ്‌,ധാതു കോറിഡോർ അല്ല. ധാതു സമ്പത്ത്‌ ഉപയോഗപ്പെടുത്തിയുള്ള വ്യവസായമാണ്‌ കേരളത്തിന്‌ വേണ്ടത്‌. ബഡ്‌ജറ്റി​ൽ കഴിഞ്ഞ തവണ താമരക്കുരുവെങ്കിൽ ഇത്തവണ കടലാമയാണ്. കാർഷിക-ആരോഗ്യ മേഖലകൾക്ക് മതിയായ പ്രഖ്യാപനങ്ങളി​ല്ല. കേരളം പ്രതീക്ഷിച്ച എയിംസില്ല. കേരളത്തി​ന് അർഹതയില്ലയോയെന്ന്‌ കേന്ദ്രം വ്യക്‌തമാക്കണം. വിഴിഞ്ഞം തുറമുഖത്തിന് ഒന്നുമില്ല. വിഴിഞ്ഞം കേരളത്തിന്‌ വേണ്ടി മാത്രമുള്ള തുറമുഖമല്ല. അതിവേഗ റെയിൽവേ കേരളത്തിന്‌ അനിവാര്യമാണ്‌. രാജ്യതലസ്ഥാനവുമായി കേരളം 3,​000 കിലോമീറ്റർ അകലെയാണ്‌. ഇവിടെയാണ്‌ അതിവേഗ റെയിൽവേയുടെ ആവശ്യമുള്ളത്‌. ജലജീവൻ മിഷനു വേണ്ടി​ കഴിഞ്ഞ ബഡ്ജറ്റിൽ നീക്കിവച്ച 67,​000 കോടിയിൽ ചെലവഴിച്ചത് 16,​000 കോടിയാണെന്നും മന്ത്രി​ പറഞ്ഞു.