' അവഗണന അവസാനിപ്പിക്കണം'

തൃശൂർ: എച്ച്.ഡി.എസ് ജീവനക്കാർക്ക് വിരമിക്കൽ ആനുകൂല്യവും കാഷ്വൽ ലീവും കോമ്പൺസേഷൻ ലീവും നൽകാൻ ചെയർമാൻ എന്ന നിലയിൽ കളക്ടർ തയ്യാറാകണമെന്ന് സുന്ദരൻ കുന്നത്തുള്ളി. തൃശൂർ ഗവൺമെന്റ് മെഡിക്കൽ കോളേജ് എച്ച്.ഡി.എസ് എംപ്ലോയീസ് കോൺഗ്രസ് (ഐ.എൻ.ടി.യു.സി) അംഗത്വ മാസ പ്രചാരണത്തിന്റെ ഭാഗമായി നടന്ന അംഗത്വ വിതരണം ഉദ്ഘാടനം ചെയ്യുകയായിരുന്നു അദ്ദേഹം. തൊഴിലാളികൾക്ക് ഇ.എസ്.ഐ, ഇ.പി.എഫ് ആനുകൂല്യങ്ങൾ നടപ്പാക്കുന്നതിൽ ആശുപത്രി അധികൃതർ കാണിക്കുന്ന അലംഭാവം കളക്ടർ അടിയന്തരമായി പുനഃ പരിശോധിക്കണമെന്നും അദ്ദേഹം ആവശ്യപ്പെട്ടു.

യൂണിയൻ പ്രസിഡന്റ് കെ.എൻ.നാരായണൻ അദ്ധ്യക്ഷത വഹിച്ചു. സി.കെ. ഹരിദാസ്, ഐ.ആർ .മണികണ്ഠൻ, എൻജിഒ അസോസിയേഷൻ ബ്രാഞ്ച് പ്രസിഡന്റ് രാജു ഫ്രാൻസിസ്, യൂണിയൻ ജനറൽ സെക്രട്ടറി സി.ഡി. വത്സ, കെ.ആർ. ഷീല, ഷോബി.പി.എസ്, തുടങ്ങിയവർ സംസാരിച്ചു.