കാസർകോട് ജില്ലാ ഫാറം സ്റ്റോർ നാടിന് സമർപ്പിച്ചു

കാസർകോട്: അച്ചടി വകുപ്പിന് കീഴിലുള്ള കാസർകോട് ജില്ലയിലെ ഫാറം സ്റ്റോറിന്റെ ഉദ്ഘാടനം ഓൺലൈനിൽ മുഖ്യമന്ത്രി പിണറായി വിജയൻ നിർവഹിച്ചു. ഈ വർഷത്തോടെ സർക്കാർ പ്രസ്സുകൾ ആധുനീകരിക്കാനുള്ള നടപടികൾ പൂർത്തിയാകുമെന്ന് മുഖ്യമന്ത്രി പറഞ്ഞു. കാസർകോട് കളക്ടറേറ്റ് മിനി കോൺഫറൻസ് ഹാളിൽ നടന്ന ചടങ്ങിൽ ജില്ലയുടെ ചുമതലയുള്ള മന്ത്രി എ.കെ ശശീന്ദ്രൻ അദ്ധ്യക്ഷത വഹിച്ചു. എൻ.എ നെല്ലിക്കുന്ന് എം.എൽ.എ വിശിഷ്ടാതിഥിയായി. ചടങ്ങിൽ കേരള സർവീസ് റൂൾസ് പുസ്തകം മന്ത്രി എ.കെ ശശീന്ദ്രനിൽ നിന്ന് കളക്ടറേറ്റ് ജീവനക്കാരി കെ.പി രൂപകലയും സേവന പുസ്തകം കളക്ടറേറ്റ് ജീവനക്കാരൻ അരുൺ തോമസും ഏറ്റുവാങ്ങി. ഗസറ്റ് വിഞാപനത്തിനുള്ള അപേക്ഷ അബ്ദുൾ അഷ്റഫിൽ നിന്ന് അച്ചടി വകുപ്പ് കൺട്രോളർ ഓഫ് ഫോംസ് വി.ആർ പ്രശാന്ത് കുമാർ ഏറ്റുവാങ്ങി.

എ.ഡി.എം പി.അഖിൽ, കൺട്രോളർ ഓഫ് ഫോംസ് വി.ആർ പ്രശാന്ത് കുമാർ, ചെങ്കള ഗ്രാമപഞ്ചായത്ത് പ്രസിഡന്റ് വസന്തൻ അജക്കോട്, ചെങ്കള ഗ്രാമപഞ്ചായത്ത് മെമ്പർ വി.എ മുഹമ്മദ് ഹനീഫ, പി.വി സതീഷ് കുമാർ, വൈ.സന്തോഷ് കുമാർ, വിശോഭ, സുരേഷ് പെരിയങ്ങാനം, ഇ.വി രാജേഷ്, മധു കരിമ്പിൽ, കൊളത്തൂർ നാരായണൻ, കെ.എസ് ദിനേശ എന്നിവർ സംസാരിച്ചു. ഗവ. പ്രസുകളുടെ സൂപ്രണ്ട് ടി.വീരാൻ സ്വാഗതവും ജില്ലാ ഫാറം ഓഫീസർ കെ.വി ഷിനോദ് നന്ദിയും പറഞ്ഞു.