വിദ്യാർത്ഥികളുടെ കോപ്പിയടി തടയാൻ അധികൃതരുടെ കുരുട്ടുബുദ്ധി,​ നടപടിയുമായി സർക്കാർ

ബംഗളൂരു: കോപ്പിയടി തടയാൻ വിദ്യർത്ഥികളുടെ തലയിൽ കാർഡ്ബോർഡ് പെട്ടി ധരിപ്പിച്ച നടപടി വിവാദത്തിൽ. കർണ്ണാടകയിലെ ഹവേരി ജില്ലയിലെ ഭഗത് പ്രീ യൂണിവേഴ്സിറ്റി കോളേജിലാണ് വിദ്യാർത്ഥികളുടെ തലയിൽ കാർഡ്ബോർഡ് ധരിപ്പിച്ച് പരീക്ഷ എഴുതിപ്പിച്ചത്.

കഴിഞ്ഞ പരീക്ഷയ്ക്ക് വിദ്യാർത്ഥികൾ പരസ്പരം സഹായിച്ചെന്നും അതിനാൽ കണ്ടെത്തിയ സൂത്രമെന്ന രീതിയിൽ അവകാശവാദവുമായി കോളേജ് മാനേജ്മെന്റ് അംഗം ഫേസ്ബുക്കിൽ ചിത്രങ്ങൾ പോസ്റ്റ് ചെയ്തതോടെയാണ് സംഭവം പുറംലോകമറിയുന്നത്. ഇതിനെതിരെ രൂക്ഷവിമർശനങ്ങൾ വന്നതോടെ അദ്ദേഹം പോസ്റ്റ് മുക്കിയെങ്കിലും നിരവധിപേർ ആ ചിത്രങ്ങൾ വീണ്ടും പോസ്റ്റ് ചെയ്തിട്ടുണ്ട്. ഈ സംഭവത്തിൽ സംസ്ഥാന സർക്കാർ വിശദീകരണം തേടി നോട്ടീസയച്ചിട്ടുണ്ട്.

Karnataka: Students were made to wear cardboard boxes during an exam at Bhagat Pre-University College in Haveri, reportedly to stop them from cheating. (16.10.2019) pic.twitter.com/lPR5z0dsUs

— ANI (@ANI) October 18, 2019