ആടുവസന്ത നിർമ്മാർജന യജ്ഞം

കൊച്ചി​: ദേശീയ ജന്തുരോഗ നിയന്ത്രണ പദ്ധതി പ്രകാരമുള്ള ആടുവസന്ത പ്രതിരോധ കുത്തിവയ്പ്പിന്റെ ജില്ലാതല ഉദ്ഘാടനം പറവൂർ ബ്ലോക്ക് പഞ്ചായത്ത് പ്രസിഡന്റ് പി.ആർ. സൈജൻ നി​ർവഹി​ച്ചു. ചിറ്റാറ്റുകര പഞ്ചായത്ത് പ്രസിഡന്റ് എൻ.കെ. സാബു അദ്ധ്യക്ഷനായി. സീനിയർ വെറ്ററിനറി സർജൻ ഡോ. സലിം മണിഫാൻ, ജില്ലാ കോഓർഡിനേറ്റർ ഡോ. കെ. ജിജേഷ് കുമാർ, പഞ്ചായത്ത്അംഗം സുജ ജയകുമാർ തുടങ്ങി​യവർ സംസാരി​ച്ചു. പദ്ധതി​ പ്രകാരം നാലുമാസത്തിന് മുകളിൽ പ്രായമുള്ള ആടുകളെയും ചെമ്മരിയാടുകളെയും നിർബന്ധമായും ആടു വസന്ത പ്രതിരോധ കുത്തിവെപ്പിന് വിധേയമാക്കും. ജില്ലയിലെ മുഴുവൻ ആടു കർഷകരും അവസരം പ്രയോജനപ്പെടുത്തണമെന്ന് ജില്ല മൃഗസംരക്ഷണ ഓഫീസർ അറിയിച്ചു.