സ്വയംരക്ഷ പരിശീലനവും യോഗ ക്ലാസും

കോഴിക്കോട്: അന്താരാഷ്ട്ര വനിതാദിനാഘോഷത്തിന്റെ ഭാഗമായി സ്‌പോർട്‌സ് അതോറിറ്റി ഒഫ് ഇന്ത്യ കോഴിക്കോട്, മൈ ഭാരത് , നാഷണൽ സർവീസ് സ്‌കീം എന്നിവയുടെ സംയുക്ത ആഭിമുഖ്യത്തിൽ വെള്ളിമാടുകുന്നിലെ ജെ.ഡി.ടി ഇസ്ലാം പോളിടെക്‌നിക് കോളേജിൽ വിദ്യാർത്ഥിനികൾക്കായി സ്വയംരക്ഷ പരിശീലനവും യോഗ ക്ലാസും സംഘടിപ്പിച്ചു.
അത്‌ലറ്റിക്‌സിൽ അന്താരാഷ്ട്ര മെഡൽ ജേതാക്കളായ ലിക്‌സി ജോസഫും നിക്‌സി ജോസഫും പരിപാടി ഉദ്ഘാടനം ചെയ്തു.

ഷീന പി.പി., റസീന പി.കെ. സ്വയംരക്ഷ പരിശീലനം നൽകി. ഉണ്ണിരാമൻ യോഗാഭ്യാസങ്ങൾ പരിചയപ്പെടുത്തി. ഡോ. ജോർജ് മാനുവൽ അദ്ധ്യക്ഷനായി. ലിജോ ഇ. ജോൺ, സാദിഖ് എ.എം, ഷൈലജ വി.കെ, ജയശ്രീ, ദീപക്, ശരത്, ഫിജാസ്, കൈലാസ് കാസർ പ്രസംഗിച്ചു.