രണ്ടാം കുറ്റി വളവിൽ മണ്ണിടിച്ചിൽ ഭീഷണി

കൊടുമൺ : ഏഴംകുളം - കൈപ്പട്ടൂർ റോഡിൽ രണ്ടാം കുറ്റി വളവിൽ മണ്ണിടിച്ചിൽ ഭീഷണി . റോഡിന്റെ ഒരു വശത്തു ഉയരത്തിലുള്ള മതിലാണ് ഇടിഞ്ഞു വീഴാറായ നിലയിലുള്ളത്. ഈ മതിലിനോട് ചേർന്ന് റബർ മരങ്ങളും നിൽപ്പുണ്ട് മണ്ണിടിഞ്ഞാൽ റബർ മരങ്ങൾ ഉൾപ്പെടെ റോഡിലേക്ക് വീഴാൻ സാദ്ധ്യതയുണ്ട്.കൊടും ചൂടിൽ വാഹനയാത്രികർ ഈ ഭാഗത്തു വിശ്രമിക്കാറുണ്ട്. റോഡ് നവീകരണം പൂർത്തിയായതിനു ശേഷം റോഡിലൂടെ വാഹനങ്ങളുടെ തിരക്കാണ്. അപകടഭീഷണി വർദ്ധിച്ചിട്ടും പൊതുമരാമത്ത് വകുപ്പോ പഞ്ചായത്തോ ഈ വിഷയത്തിൽ ഇടപെടുന്നില്ലെന്നാണ് നാട്ടുകാരുടെ പരാതി. വസ്തു ഉടമയ്ക്ക് നിർദേശം നൽകി മരങ്ങൾ മുറിച്ചു നീക്കുകയോ മതിൽ കെട്ടി സംരക്ഷിക്കുകയോ ചെയ്യണമെന്നാണ് നാട്ടുകാരുടെ ആവശ്യം.