അരുൺ ബോസിന് അംഗീകാരം

മാള: ബംഗളൂരുവിൽ നടന്ന ഫിഡെ ചെസ് ട്രെയിനിംഗ് വിജയകരമായി പൂർത്തിയാക്കിയ അരുൺ ബോസിന് വേൾഡ്

ചെസ് ഫെഡറേഷന്റെ നാഷണൽ ഇൻസ്ട്രക്ടർ ടൈറ്റിൽ ലഭിച്ചു. നിലവിൽ ഫിഡെ റേറ്റിംഗുള്ള ചെസ് കളിക്കാരനും പരിശീലകനുമായ അരുൺബോസ് കഴിഞ്ഞ മൂന്ന് വർഷമായി മാളയിലെ ഡോ. രാജു ഡേവിസ് ഇന്റർനാഷണൽ ആൻഡ് സൈനിക് സ്‌കൂളിൽ ചെസ് പരിശീലകനായി പ്രവർത്തിക്കുന്നു. രാജ്യാന്തര ചെസ് ഫെഡറേഷൻ അംഗീകരിച്ച പരിശീലന പരിപാടി വിജയകരമായി പൂർത്തിയാക്കിയതിന്റെ അടിസ്ഥാനത്തിലാണ് നാഷണൽ ഇൻസ്ട്രക്ടർ പദവി ലഭിച്ചത്. ജില്ലയിലെ ചെസ് രംഗത്ത് നിരവധി വിദ്യാർത്ഥികളെ വളർത്തിയെടുത്ത പരിശീലകനാണ് അരുൺ ബോസ്.