 ശ്രീനാരായണഗുരു ഓപ്പൺ യൂണി. മലപ്പുറം ഗവ. മുണ്ടുപറമ്പ കോളേജ് പഠനകേന്ദ്രം ഫുട്ബോൾ ചാമ്പ്യന്മാർ

കൊച്ചി: ശ്രീനാരായണഗുരു ഓപ്പൺ സർവകലാശാല സംസ്ഥാന ഫുട്ബാൾ ചാമ്പ്യൻഷിപ്പ് കിരീടം മലപ്പുറം ഗവ. മുണ്ടുപറമ്പ കോളേജ് പഠനകേന്ദ്രത്തിന്. വാശിയേറിയ മത്സരത്തിൽ എസ്.എൻ.ജി.എസ് പട്ടാമ്പിയെ പെനാൽറ്റി ഷൂട്ടൗട്ടിൽ വീഴ്ത്തിയാണ് മലപ്പുറം ഗവ. മുണ്ടുപറമ്പ കോളേജ് കിരീടത്തിൽ മുത്തമിട്ടത്. സ്‌കോർ 4-3.

എറണാകുളം മഹാരാജാസ് കോളേജ് ഗ്രൗണ്ടിൽ നിശ്ചിതസമയത്തും ഇരു ടീമുകൾക്കും ലക്ഷ്യം കണ്ടെത്താനായില്ല. എറണാകുളം മഹാരാജാസ് കോളേജ് പഠനകേന്ദ്രം ടീമാണ് സെക്കൻഡ് റണ്ണറപ്പ്. സ്‌പോർട്‌സ് കമ്മിറ്റി ചെയർമാനും സിൻഡിക്കേറ്റ് അംഗവുമായ അഡ്വ. ജി. സുഗുണൻ സമ്മാന ദാനം നിർവഹിച്ചു.