ഫോട്ടോ പ്രദർശനം: ലോഗോ പ്രകാശനം

തൃശൂർ: യാത്രക്കാരുടെ കൂട്ടായ്മയായ 'യാത്ര'യുടെ നേതൃത്വത്തിൽ കേരള ലളിതകലാ അക്കാഡമി ആർട് ഗ്യാലറിയിൽ ഏപ്രിൽ 10 മുതൽ 12 വരെ സംഘടിപ്പിക്കുന്ന ത്രിദിന യാത്രാമൊബൈൽ ഫോട്ടോ പ്രദർശനത്തിന്റെ ലോഗോ പ്രകാശനം ചെയ്തു. ഏപ്രിൽ ഒമ്പതിന് ആരംഭിക്കേണ്ട പ്രദർശനാരംഭം തിരഞ്ഞെടുപ്പുമൂലം 10ലേക്ക് മാറ്റി. സംഘാടക സമിതി വൈസ് ചെയർമാൻ കെ.വി.രാമകൃഷ്ണൻ, ലോഗോ മത്സരവിഭാഗം കൺവീനർ കെ.ഡി.അശോക് കുമാറിന് നൽകി പ്രകാശനം ചെയ്തു. ചെയർമാൻ കെ.വിജയരാഘവൻ അദ്ധ്യക്ഷത വഹിച്ചു. ജെഷിൻ പാലത്തിങ്കൽ, ബിന്ദു വാലിപ്പറമ്പിൽ, പി.രാധാകൃഷ്ണൻ എന്നിവർ പ്രസംഗിച്ചു. പ്രദർശനത്തിനുള്ള ഫോട്ടോകൾ ഈ മാസം 31 വരെ അയക്കാം.