അക്ഷരക്കൂട്ടം പരിപാടി

ഏഴംകുളം : ഗ്രാമപഞ്ചായത്ത് 4-ാം വാർഡ് ഏഴംകുളം സ്‌റ്റുഡൻസ് ക്ലബ്ബിന്റെ ആഭിമുഖ്യത്തിൽ അക്ഷരക്കൂട്ടം പരിപാടി സംഘടിപ്പിച്ചു. വാർഡിലെ താമസക്കാരും ഒന്നാം ക്ലാസ് മുതൽ ഉപരിപഠനം നടത്തുന്നവരുമായ വിദ്യാർത്ഥികളെ പങ്കെടുപ്പിച്ചാണ് പരിപാടി സംഘടിപ്പിച്ചത്. അദ്ധ്യാപികയും എഴുത്തുകാരിയുമായ ജയ അജിത്ത് ഉദ്ഘാടനം ചെയ്തു. ഏഴംകുളം സ്‌റ്റുഡൻസ് ക്ലബ്ബ് പ്രസിഡന്റ് ആലിയ ഫാത്തിമ അദ്ധ്യക്ഷയായി. വാർഡ് മെമ്പർ വിജുരാധാകൃഷ്ണൻ, കുടുംബശ്രീ എ.ഡി.എസ് അംഗം ബിന്ദുശ്രീ, ക്ലബ്ബ് ജോയിന്റ് സെക്രട്ടറി ആൽഫിയ, വൈസ് പ്രസിഡന്റ് അലറ്റ് ചെറിയാൻ, ശരണ്യ, മുഹമ്മദ് ആൽഫിൽ എന്നിവർ സംസാരിച്ചു.