തോറ്റ് തുടക്കം : ഇന്ന് രണ്ടാമങ്കം

ഡർബൻ: ഇന്ത്യയും ദക്ഷിണാഫ്രിക്കയും തമ്മിലുള്ള വനിതാ ട്വൻ്റി - 20 പരമ്പരയിലെ രണ്ടാം മത്സരം ഇന്ന് ഡർബനിൽ നടക്കും. ഇന്ത്യൻ സമയം വൈകിട്ട് 5.30 മുതലാണ് മത്സരം.

ആദ്യ മത്സരത്തിൽ ഇന്ത്യയ്ക്ക് എതിരെ ദക്ഷിണാഫ്രിക്ക 6 വിക്കറ്റിൻ്റെ ജയം നേടിയിരുന്നു.

ആദ്യം ബാറ്റ് ചെയ്ത ഇന്ത്യ 20 ഓവറിൽ 7 വിക്കറ്റ് നഷ്‌ടത്തിൽ 157 റൺസ് നേടി. മറുപടിക്കിറങ്ങിയ ദക്ഷിണാഫ്രിക്ക 4 വിക്കറ്റ് നഷ്‌ടപ്പെടുത്തി 5 പന്ത് ബാക്കി നിൽക്കേ വിജയലക്ഷ്യത്തിലെത്തി ( 158 / 4 ).

അർദ്ധ സെഞ്ച്വറി നേടിയ ക്യാപ്ടൻ ലോറ വോൾ വാർട്ടുo ( 39 പന്തിൽ 51), പുറത്താകാാതെ പോരാടിയ അന്നാരി ഡർക്സണുമാണ് (34 പന്തിൽ 44) ദക്ഷിണാഫ്രിക്കൻ ചേസിംഗിലെ മുന്നണിപ്പോരാളികൾ. നേരത്തെ 4 ഓവറിൽ 13 റൺസ് മാത്രം നൽകി 3 വിക്കറ്റുകൾ വീഴ്ത്തിയ ദക്ഷിണാഫ്രിക്കൻ മീഡിയം പേസർ അയബോംഗ ഖാക്കയാണ് കളിയിലെ താരം.

ഇന്ത്യൻ ട്വൻ്റി -20

ജേഴ്സിയിൽ

പേസ് ഓൾ റൗണ്ടർ കശ്വി ഗൗതത്തിൻ്റെ അരങ്ങേറ്റ മത്സരം കൂടിയായിരുന്നു ഇത്.