ലോകപുസ്തക ദിനാചരണം

മലപ്പുറം: ജില്ലാ സാക്ഷരതാമിഷന്റെ ആഭിമുഖ്യത്തിൽ ലോകപുസ്തക ദിനാചരണം സംഘടിപ്പിച്ചു. ജില്ലാ പഞ്ചായത്ത് ഹാളിൽ സെക്രട്ടറി പി.എം. രാജീവ് ഉദ്ഘാടനം ചെയ്തു. ഫിനാൻസ് ഓഫീസർ എം. മുഹമ്മദ് ബഷീർ അദ്ധ്യക്ഷത വഹിച്ചു. 'വായിക്കൂ നിങ്ങളുടെ വഴിയിൽ' എന്ന തീം ഉൾപ്പെടുത്തി എഴുത്തുകാരൻ കൃഷ്ണൻ മങ്കട മുഖ്യപ്രഭാഷണം നടത്തി. എന്റെ ജീവിതം മാറ്റിയ പുസ്തകം എന്ന വിഷയത്തിൽ നടത്തിയ പുസ്തക ചർച്ചക്ക് സാക്ഷരതാ മിഷൻ അസിസ്റ്റന്റ് കോ-ഓർഡിനേറ്റർ എം.മുഹമ്മദ് ബഷീർ നേത്യത്വം നൽകി.

ജില്ലാ സാക്ഷരതാമിഷൻ കോ-ഓർഡിനേറ്റർ പി.വി. ശാസ്ത്രപ്രസാദ്, ജീവനക്കാരായ കെ.ശരണ്യ, കെ.മൊയ്തീൻകുട്ടി, എം.കെ.ജസീല പ്രസംഗിച്ചു. വിവിധ കോളേജുകളിൽ നിന്നുള്ള ഇന്റേൺഷിപ്പ് വിദ്യാർത്ഥികളും ലോകപുസ്തകദിനാചരണത്തിൽ പങ്കെടുത്തു.