വീണ്ടും രാസലഹരിവേട്ട; കെവിന്റെ സംഘാംഗം കുടുങ്ങി

കൊച്ചി: കൊച്ചി നഗരത്തിൽ രാസലഹരി മൊത്ത ഇടപാടുകാരനായ തൊടുപുഴ സ്വദേശി കെവിൻ മാത്യുവിന്റെ സംഘത്തിലെ ഒരാൾ കൂടി ഇന്നലെ സിറ്റി പൊലീസിന്റെ പിടിയിലായി. പള്ളുരുത്തി ചിറക്കൽ പാലത്തിന് സമീപം അഷ്ന മൻസിലിൽ പി.എം. ഷമീറാണ് (50) 11.68 ഗ്രാം എം.ഡി​.എം.എയുമായി ചേരാനല്ലൂരി​ൽ വച്ച്​ കുടുങ്ങി​യത്. വൈറ്റിലയി​ൽ മരട് പൊലീസ് നടത്തിയ പരിശോധനയിൽ 4.04 ഗ്രാം എം.ഡി​.എം.എയുമായി മരട് തോമാസ്‌പുരം കൊല്ലംപറമ്പി​ൽ റി​ജോയ് ബെക്സി​ൻ ഫ്രാൻസി​സും (23) അറസ്റ്റി​ലായി.

ഷമീർ തോപ്പുംപടി, തൃക്കാക്കര, മരട് സ്റ്റേഷനുകളിലെയും എറണാകുളം എക്സൈസ് റേഞ്ചിലെയും മയക്കുമരുന്ന് കേസിലെ പ്രതിയാണ്. കെവിൻ ബി. മാത്യുവാണ് ഇയാൾക്ക് മയക്കുമരുന്ന് നൽകി​യത്. ഇടപ്പള്ളി​ വി​.എ.ഐ പടിയിൽ ഇയാൾ താമസി​ച്ചി​രുന്ന അപ്പാർട്ട്മെന്റി​ൽ നാർക്കോട്ടിക് സെൽ അസിസ്റ്റന്റ് കമ്മീഷണർ ടി​.ജി​. സുനിൽകുമാറി​ന്റെ നേതൃത്വത്തിൽ കൊച്ചി സിറ്റി ഡാൻസാഫ് സംഘം നടത്തി​യ പരി​ശോധനയി​ലാണ് മയക്കുമരുന്ന് കണ്ടെത്തി​യത്.
കടവന്ത്രയിലെ ആഡംബര ഹോട്ടലിൽ മാർച്ച് 28ന് അറസ്റ്റി​ലായ യുവതികളുൾപ്പെട്ട എട്ടംഗ സംഘത്തി​ന്റെ തലവനായി​രുന്നു തൃക്കാക്കര ചെമ്പുമുക്ക് കെ.കെ. റോഡ‌് റോസ് ലാൻഡിൽ കെവിൻ ബി. മാത്യു (42). ഒരു ലക്ഷം രൂപയും 93.51 ഗ്രാം എക്സറ്റസി ഗുളികകളും ഇയാളിൽ നിന്ന് പിടിച്ചെടുത്തു. ദന്തൽ ഡോക്ടറും അഭിഭാഷകനും ഫിസിയോ തെറാപ്പിസ്റ്റും ഏവിയേഷൻ വിദ്യാർത്ഥിയും ഉൾപ്പെട്ടതായി​രുന്നു അറസ്റ്റിലായ സംഘം. തുടർന്നാണ് തൊടുപുഴ സ്വദേശിയായ കെവി​ൻ ബി. മാത്യുവി​നെ അറസ്റ്റ് ചെയ്തത്.