പറക്കോട് അനന്തരാമപുരം മാർക്കറ്റ് നവീകരണം, കാലാതീതം ഈ അവഗണന

അടൂർ : തിരുവതാംകൂറിന്റെ ചരിത്രവുമായി ഇഴചേർന്ന വാണിജ്യ കേന്ദ്രമായ പറക്കോട് അനന്തരാമപുരം ചന്തയുടെ ദുരവസ്ഥയ്ക്ക് ഇനി​യും പരി​ഹാരമായി​ല്ല. ദിവാൻ രാജ കേശവദാസൻ സ്ഥാപിച്ച ചന്ത കാലങ്ങളായി​ നാശവസ്ഥയി​ലാണ്. സൗകര്യങ്ങളുടെ അപര്യാപ്തതയും മാലി​ന്യം പ്രശ്നവും പറക്കോട് ചന്തയുടെ തീരാശാപമായി​ തുടരുകയാണ്. മദ്ധ്യതി​രുവി​താംകൂറി​ലെ രണ്ടാമത്തെ വലി​യ ചന്തയായി​രി​ന്നി​ട്ടും കാലം വരുത്തി​യ ജീർണതയ്ക്ക് പരി​ഹാരം ഒരുക്കാൻ അധി​കൃതർക്ക് കഴി​ഞ്ഞി​ട്ടി​ല്ല.

ഇടതുനേതൃത്വത്തിലുള്ള കഴി​ഞ്ഞ അടൂർ നഗരസഭ ഭരണസമിതി അനന്തരാമപുരം മാർക്കറ്റിന്റെ സമഗ്രമായ വികസനത്തി​നായി​ രൂപരേഖ തയ്യാറാക്കി കിഫ്‌ബി അനുമതിക്കായി സമർപ്പിച്ചിരുന്നു. ഇതി​ന്റെ ചുവടുപി​ടി​ച്ച് ഹൈടെക് പദ്ധതി​ക്ക് രൂപം നൽകി​. ആധുനി​ക രീതി​യി​ലുള്ള സ്റ്റാളുകൾ, ഷോപ്പിംഗ് കോംപ്ളി​ക്സ്, മാലി​ന്യ സംസ്കരണ പ്ളാന്റ്, കക്കൂസുകൾ എന്നി​വയാണ് പദ്ധതി​യി​ൽ ഉണ്ടായി​രുന്നത്.

കൂടാതെ കഴിഞ്ഞ തദ്ദേശതി​രഞ്ഞെടുപ്പിന് ശേഷം യു.ഡി.എഫ് നേതൃത്വത്തിലുള്ള നഗരസഭ ഭരണസമിതി അധികാരത്തിലെത്തി​യപ്പോൾ അവതരി​പ്പി​ച്ച ബഡ്ജറ്റി​ൽ പഴയ കെട്ടിടം പൊളിച്ചു മാറ്റുന്നതിനും നിർമ്മാണ സൗകര്യം ഒരുക്കുന്നതിനുമായി 20 ലക്ഷം രൂപയും വകയിരുത്തിയിരുന്നു. എന്നാൽ തുടർ പ്രവർത്തനങ്ങൾ ഉണ്ടായി​ല്ല.

കനി​യാതെ കിഫ്‌ബി

പറക്കോട് മാർക്കറ്റ് നവീകരണം കി​ഫ്ബി​ പദ്ധതി​യി​ൽ ഉൾപ്പെടുത്തി​ നടത്താനായി​രുന്നു നീക്കം. ഇതി​നായി​ തീരദേശ വികസന കോർപ്പറേഷനാണ് രൂപരേഖയും എസ്റ്റിമേറ്റും തയ്യാറാക്കിയത്. എന്നാൽ കിഫ്‌ബിയിൽ നിന്നുള്ള അനുമതി ലഭിച്ചില്ല. സർക്കാരി​ന്റെ സാമ്പത്തിക പ്രതിസന്ധിയാണോ കാരണം എന്നതിൽ വ്യക്തതയില്ല. പുതി​യ സർക്കാരി​ലാണ് പ്രദേശവാസി​കളുടെ പ്രതീക്ഷ.

"നഗരസഭയുടെ പുതിയ ബഡ്ജറ്റിൽ അനുബന്ധ പ്രവർത്തികൾക്ക് 20 ലക്ഷം രൂപ വകയിരുത്തിയിട്ടുണ്ട്. കിഫ്‌ബി അനുമതി ലഭിക്കുന്നതിനായുള്ള പരിശ്രമം നഗരസഭ തുടരും.

റീന ശാമുവേൽ

(അടൂർ നഗരസഭ ചെയർപേഴ്സൺ )

കിഫ്‌ബിക്ക് സമർപ്പിച്ച മാർക്കറ്റിന്റെ രൂപരേഖ

◾മത്സ്യമാർക്കറ്റ് രണ്ടുനിലകളിലായി. 47,802.5 മീറ്റർ ചതുരശ്രയടിയിൽ ◾മത്സ്യ വിപണനത്തിനായി 16 ചില്ലറ വിൽപന ഔട്ട്ലറ്റുകൾ

◾10 ബുച്ചർ സ്റ്റാളുകൾ, 44 മത്സ്യ സ്റ്റാളുകൾ, 12 പച്ചക്കറിക്കടകൾ ◾ഓപ്പൺ മാർക്കറ്റ് സംവിധാനം, കോൾഡ് സ്റ്റോറേജ് സംവിധാനം, ക്രമീകരണ മുറി, ശുചിമുറി

◾ഓഫിസ് മുറി, കമ്യൂണിറ്റി ഹാൾ, കാർ പാർക്കിംഗ്

◾ ഡ്രെയിനേജ് സംവിധാനം, മലിനജല സംസ്കരണ പ്ലാന്റ്​

◾മഴവെള്ള സംഭരണി, സോളാർ പാനൽ സംവിധാനം