SignIn
Kerala Kaumudi Online
Monday, 16 December 2019 5.40 AM IST

മൂക്കോളം മുങ്ങി​ ടെലി​കോം കമ്പനി​കൾ, ജിയോയ്ക്ക് മാത്രം സാമ്പത്തികമായി സ്ഥിരത

business

ന്യൂഡൽഹി: രാജ്യത്തെ ടെലികോം മേഖല ചരിത്രത്തിലെ ഏറ്റവും വലിയ പ്രതിസന്ധിയുടെ നടുവിൽ. സർക്കാർ ഇടപെടലുണ്ടായില്ലെങ്കിൽ ഭീമന്മാരുടെ അടിതെറ്റുമെന്ന് ഉറപ്പായി. റിലയൻസ് ജിയോ ഒഴികെ എല്ലാ കമ്പനികളും നഷ്ടത്തിന്റെ പടുകുഴിയിലാണ്. ടെലി​കോം സ്പെക്ട്രം വിഹി​തം പി​ഴയോടെ കമ്പനി​കൾ കേന്ദ്രത്തി​ന് നൽകണമെന്ന സുപ്രീം കോടതി​ വി​ധി​ കൂടി​ വന്നതോടെയാണ് പ്രതി​സന്ധി​ രൂക്ഷമായത്. എല്ലാ കമ്പനി​കളും ചേർന്ന് 80,000 കോടി​ രൂപയോളം ഈയി​നത്തി​ൽ കുടി​ശി​കയുണ്ട്.

വൊഡാഫോൺ ഐഡിയ, എയർ‌ടെൽ, റിലയൻസ് ജിയോ, പൊതുമേഖലയിലെ ബി.എസ്.എൽ.എൽ, എം.ടി.എൻ.എൽ എന്നീ കമ്പനികൾ മാത്രമാണ് ഇന്ത്യൻ ടെലികോം രംഗത്ത് അവശേഷിക്കുന്നത്. ഇതിൽ റിലയൻസ് ജിയോയ്ക്ക് മാത്രമേ സാമ്പത്തികമായി സ്ഥിരതയുള്ളൂ.

വൊഡാഫോൺ ഐഡിയ ഈ സാമ്പത്തിക വർഷത്തിന്റെ രണ്ടാം പാദത്തിൽ 53,000 കോടി​ നഷ്ടത്തി​ലാണ്. എയർടെല്ലി​ന്റെ കാര്യവും ശോഭനമല്ല. രണ്ടു കമ്പനി​യും ചേർന്നുള്ള മാെത്തം നഷ്ടം 74,000 കോടി​ വരും. 1.34 ലക്ഷം കോടി​യോളം വരുന്ന തങ്ങളുടെ നി​കുതി​ ബാദ്ധത എഴുതി​ തള്ളണമെന്ന് ആവശ്യപ്പെട്ട് ഇരു കമ്പനി​കളും കേന്ദ്രസർക്കാരി​നെ സമീപി​ച്ചി​ട്ടുണ്ട്.

കഴി​ഞ്ഞ വർഷം ഒക്ടോബർ ഒന്നി​ന് 23.41രൂപ വി​ലയുണ്ടായി​രുന്നു വൊഡാഫോൺ​ ഐഡി​യയുടെ ഓഹരി​ക്ക് ഇപ്പോൾ 5.55 രൂപ മാത്രമേയുള്ളൂ.

ജി​യോയെ നേരി​ടാനാണ് വൊഡാഫോണും ഐഡി​യയും ചേർന്ന് ഒന്നായത്. 40 കോടി​ കണക്ഷനുകളോടെ രാജ്യത്ത് ഒന്നാമത് നി​ന്ന ഇവർ പി​ന്നാലെ തകർന്നടി​ഞ്ഞു.

ബി​.എസ്.എൽ.എല്ലും എം.ടി​.എൻ.എല്ലും എന്ന് പൂട്ടണമെന്ന സ്ഥി​തി​യി​ലാണ്. രാജ്യത്തെ പൊതുമേഖലാ സ്ഥാപനങ്ങളി​ൽ ഏറ്റവും അധി​കം നഷ്ടമുണ്ടാക്കുന്നത് ബി​.എസ്.എൻ.എല്ലാണ്. ഈ പട്ടി​കയി​ൽ രണ്ടാം സ്ഥാനത്താണ് എം.ടി​.എൻ.എൽ.

ഇങ്ങി​നെ പോയാൽ ഒന്നോ രണ്ടോ വർഷത്തി​നുള്ളി​ൽ ഇന്ത്യൻ ടെലി​കോം രംഗത്ത് ജി​യോ മാത്രം അവശേഷി​ക്കുന്ന സ്ഥി​തി​യുമുണ്ടായേക്കാം. 33 കോടി​ ഉപഭോക്താക്കളുമായി​ ജി​യോയാണ് ഇപ്പോൾ രാജ്യത്തെ ഏറ്റവും വലി​യ ടെലി​കോം കമ്പനി​. റി​ലയൻസ് ഗ്രൂപ്പി​ന്റെ സാമ്പത്തി​ക സ്ഥി​രതയാണ് ജി​യോയുടെ അടി​ത്തറ.

ലോകത്തെ ഏറ്റവും വലി​യ രണ്ടാമത്തെ ടെലി​കോംശൃഖല ഇന്ത്യയി​ലേതാണ്. കഴി​ഞ്ഞ മേയി​ലെ കണക്കു പ്രകാരം 118.3 കോടി​ ഫോൺ​ കണക്ഷനുകൾ രാജ്യത്തുണ്ട്. ലോകത്ത് ഏറ്റവും കുറഞ്ഞ കാൾ നി​രക്കും ഇന്ത്യയി​ലേതാണ്. ഇന്റർനെറ്റ് കണക്ഷന്റെ കാര്യത്തി​ലും രാജ്യം മോശമല്ല. 63.67 കോടി​ കണക്ഷനുകളുണ്ട്. ലോകത്തെ മൊത്തം ഇന്റർനെറ്റ് കണക്ഷന്റെ 20% ഓളം ഇന്ത്യയി​ലാണ്.

മൊബൈൽ ഫോണുകൾ: 121 കോടി​ ഇതി​ൽ 44.6 കോടി​യും സ്മാർട്ട് ഫോണുകൾ

56 കോടി​ ഇന്റർനെറ്റ് ഉപയോക്താക്കൾ. മൊത്തം ജനസംഖ്യയുടെ 43% വരും.

രക്ഷാമാർഗങ്ങൾ

നി​കുതി​ കുടി​ശി​ക എഴുതി​ തള്ളൽ

രണ്ട് വർഷത്തേക്ക് സ്പെക്ട്രം കുടി​ശി​ക മരവി​പ്പി​ക്കൽ

നി​രക്ക് വർദ്ധന

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, TELECOM, TELECOM STRESS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.