SignIn
Kerala Kaumudi Online
Wednesday, 05 August 2020 7.26 PM IST

ലോകത്തിന് അത് ഇന്ത്യ നൽകും, ഇപ്രാവശ്യത്തെ സ്വാതന്ത്ര്യദിന പ്രസംഗത്തിൽ നരേന്ദ്ര മോദി  പ്രഖ്യാപിക്കും രാജ്യങ്ങൾ കാത്തിരിക്കുന്ന ശുഭവാർത്ത 

modi

ന്യൂഡൽഹി : അടുത്തമാസം ആഗസ്റ്റ് പതിനഞ്ചിന് ചെങ്കോട്ടയിൽ രാജ്യത്തിന് അഭിമാനമായ മൂവർണക്കൊടി ഉയർത്തി, അതിന് ചുവട്ടിൽ നിന്നും ഇന്ത്യൻ പ്രധാനമന്ത്രി നടത്തുന്ന സുപ്രധാന പ്രസംഗം ഇക്കുറി ആവേശത്തിലാഴ്ത്തുന്നത് രാജ്യത്തെ മാത്രമാവില്ല. ലോകം ഉറ്റു നോക്കുന്ന കൊവിഡ് പ്രതിരോധിക്കുവാനുള്ള വാക്സിൻ നിർമ്മിക്കുന്നതിൽ രാജ്യം വിജയിച്ചുവെന്ന പ്രഖ്യാപനം അദ്ദേഹം നടത്തിയേക്കും. ലോകത്തെയാകെ ഭീതിയിലാഴ്ത്തിയ കൊവിഡിനെ തടയുന്നതിനായി വിവിധ രാജ്യങ്ങളിലായി ഒറ്റയ്ക്കും കൂട്ടായ്മയിലൂടെയും വാക്സിൻ നിർമ്മിക്കുന്നതിനുള്ള പരീക്ഷണ നിരീക്ഷണങ്ങൾ നടക്കുകയാണ്. ഇതിൽ പലതും പാതിഘട്ടത്തിലാണെന്ന് റിപ്പോർട്ടുകൾ വന്നിരുന്നു. അതേസമയം ഇന്ത്യയിലും ഹൈദരാബാദ് ആസ്ഥാനമായി പ്രവർത്തിക്കുന്ന ഭാരത് ബയോടെക് തദ്ദേശിയമായി വികസിപ്പിച്ച വാക്സിനിലാണ് രാജ്യം പ്രതീക്ഷവച്ചിരിക്കുന്നത്.

ഇന്ത്യൻ കൗൺസിൽ ഒഫ് മെഡിക്കൽ റിസർച്ചിന്റെയും നാഷണൽ ഇൻസ്റ്റിറ്റിയൂട്ട് ഓഫ് വൈറോളജിയുടെയും സഹകരണത്തോടെയാണ് ഭാരത് ബയോടെക് എന്ന ഫാർമസ്യൂട്ടിക്കൽ കമ്പനി വാക്സിൽ വികസിപ്പിച്ചത്. കൊവിഡ് പ്രതിരോധ കുത്തിവയ്പ്പ് നൽകാനുള്ള ക്ലിനിക്കൽ മനുഷ്യ പരീക്ഷണങ്ങൾ നടത്താൻ കഴിഞ്ഞ തിങ്കളാഴ്ച ഔദ്യോഗിക അനുമതി നൽകിയിരുന്നു. കൊവാക്സിൻ എന്നറിയപ്പെടുന്ന വാക്സിൻ മനുഷ്യ പരീക്ഷണത്തിന്റെ ആദ്യ രണ്ട് ഘട്ടങ്ങൾ ഈമാസം രാജ്യത്ത് വിവിധ ഭാഗങ്ങളിലായി നടക്കും. വാക്സിന്റെ പ്രീക്ലിനിക്കൽ പഠനങ്ങളിൽ നിന്ന് ലഭിച്ച ഫലങ്ങൾ കമ്പനി സമർപ്പിച്ചിരുന്നു. ഇതിന്റെ അടിസ്ഥാനത്തിലാണ് ക്ലിനിക്കൽ ട്രയൽ നടത്താൻ അനുമതി നൽകിയത്. ആദ്യ ഘട്ടത്തിൽ നാൽപ്പതോളം പേരിൽ മരുന്ന് പരീക്ഷിക്കും. കൊവാക്സിനാണ് ഇന്ത്യയിൽ ഇത്തരത്തിൽ അനുമതി ലഭിക്കുന്ന ആദ്യത്തെ വാക്സിൻ എന്നതു തന്നെ അതിന്റെ ഗുണമേൻമയെ കുറിച്ച് ഇന്ത്യൻ കൗൺസിൽ ഓഫ് മെഡിക്കൽ റിസർച്ചിന് പ്രതീക്ഷയുള്ളതു കൊണ്ടാണ്.


ഐ സി എം ആറും എൻ ഐ വിയുമായുള്ള സഹകരണം ഈ വാക്സിൻ വികസിപ്പിക്കുന്നതിൽ നിർണായകമായിരുന്നു, സെൻട്രൽ ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷന്റെ സജീവ പിന്തുണയും മാർഗ്ഗനിർദ്ദേശവും വാക്സിൻ നിർമ്മാണത്തിന്റെ ഈ ഘട്ടത്തിൽ എത്തുവാൻ തങ്ങളെ പ്രാപ്തമാക്കിയെന്ന് ഭാരത് ബയോടെക് മാനേജിംഗ് ഡയറക്ടർ ഡോ. കൃഷ്ണ എല്ല പറഞ്ഞു.


കൊവിഡിനെതിരെ മരുന്ന് കണ്ടെത്തുന്നതിനായി രാജ്യത്ത് മുപ്പതോളം സ്ഥാപനങ്ങൾ രാപ്പകൽ പരിശ്രമിക്കുന്നതായി മേയ്മാസം റിപ്പോർട്ടുകളുണ്ടായിരുന്നു. ഇതിൽ ശുഭപ്രതീക്ഷ നൽകി മുന്നേറിയത് ഹൈദരാബാദ് ആസ്ഥാനമായി പ്രവർത്തിക്കുന്ന ഭാരത് ബയോടെക്കായിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, NARENDRA MODI, COVID, VACCINE, INDIA, CORONA, COVACCINE, HYDERABAD, BHARATH PHARMA, COVID SPREAD, COVID TREATMENT
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.