SignIn
Kerala Kaumudi Online
Wednesday, 12 August 2020 3.46 AM IST

പൊലീസ് മേധാവിക്ക് എൻഐഎയിൽ സ്വാധീനമുണ്ടാകാം, സ്വർണ്ണ കടത്ത് കേസിൽ സിബിഐ അന്വേഷണം തന്നെ വേണമെന്ന് കോൺഗ്രസ്; സമഗ്ര അന്വേഷണത്തിന് പ്രധാനമന്ത്രിക്ക് കത്ത് നൽകും

three

തിരുവനന്തപുരം:സ്വർണകടത്ത് കേസിൽ സിബിഐ അന്വേഷണം ആവശ്യപ്പെട്ട് സംസ്ഥാന കോൺഗ്രസ്. വിശ്വസ്തതയുള‌ള അന്വേഷണ ഏജൻസിയാണ് സിബിഐ. സത്യസന്ധതയുണ്ടെങ്കിൽ മുഖ്യമന്ത്രി അടിയന്തിര ക്യാബിനറ്റ് യോഗം വിളിച്ച് സിബിഐ അന്വേഷണം വേണമെന്ന് ക്യാബിനറ്റ് തീരുമാനം എടുക്കണമെന്ന് കെപിസിസി പ്രസിഡന്റ് മുല്ലപ്പളളി രാമചന്ദ്രൻ ആവശ്യപ്പെട്ടു. കേന്ദ്രത്തെ ആ തീരുമാനം അറിയാക്കാനുള‌ള ആർജ്ജവവും മുഖ്യമന്ത്രിക്ക് വേണം. മുഖ്യമന്ത്രിയുടെ ഓഫീസിന് കേസിൽ പങ്കുണ്ട്. ശിവശങ്കരൻ മുഖ്യമന്ത്രിയുടെ മനസാക്ഷി സൂക്ഷിപ്പുകാരനാണ്. ശിവശങ്കരനെ മുഖ്യമന്ത്രി സംരക്ഷിക്കുകയാണ്. മുഖ്യമന്ത്രി എന്തിനാണ് സിബിഐ അന്വേഷണത്തെ ഭയക്കുന്നുവെന്നും മുല്ലപ്പള‌ളി ചോദിച്ചു.

കേസിലെ പ്രതിയായ സ്വപ്ന ചെറിയ കണ്ണിയാണ്. വൻ സ്രാവുകൾ പുറത്താണ്.സിബിഐ അന്വേഷണം ആവശ്യപ്പെട്ട് കോൺഗ്രസ് പ്രധാനമന്ത്രിക്ക് നിവേദനം നൽകി. നിലവിൽ എൻ ഐ എ ആണ് കേസന്വേഷിക്കുക. ഏറെ നാൾ എൻഐഎയിൽ ഉന്നത സ്ഥാനത്തിരുന്നയാളാണ് നിലവിലെ പൊലീസ് മേധാവി. അദ്ദേഹത്തിന് ഏറിയും കുറഞ്ഞും എൻഐഎയിൽ സ്വാധീനമുണ്ട്. അന്താരാഷ്ട്ര ബന്ധമുള‌ള ഈ കേസ് എൻഐഎക്കൊപ്പം റോയും അന്വേഷിക്കണം.

അതേ സമയം,​ മുൻ ഐടി സെക്രട്ടറിയായ ശിവശങ്കരനെ അറസ്‌റ്റ് ചെയ്യണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു.ഐടി വകുപ്പിൽ പിൻവാതിൽ നിയമനമുണ്ട്. സ്വപ്നയുടെ പുറത്തുവന്ന ശബ്ദരേഖ പൊലീസ് പടച്ചുണ്ടാക്കിയതാണ്. സ്വർണ കടത്ത് കേസിൽ മുഖ്യമന്ത്രി രാജിവക്കണം, നിലവിൽ കേസ് അന്വേഷിക്കുന്ന എൻഐഎക്ക് ഷെഡ്യൂൾഡ് ക്രൈം മാത്രമേ അന്വേഷിക്കാനാകൂ. ഇത്തരം കേസുകളന്വേഷിക്കാൻ കഴിയില്ല. എൻഐഎയെ ഏൽപ്പിക്കുന്നത് വഴി ബിജെപി സംസ്ഥാന സർക്കാരിനെ സംരക്ഷിക്കാൻ ശ്രമിക്കുന്നു. കോൺഗ്രസിനെ അപമാനിക്കാനുള്ള ശ്രമത്തെ പാർട്ടി എതിർക്കും. പ്രതിപക്ഷം നെറികേട് കാട്ടിയിട്ടില്ലെന്നും ചെന്നിത്തല പറഞ്ഞു.

സ്വർണകടത്ത് കേസിൽ പഴുതടച്ച അന്വേഷണം വേണമെന്ന് മുൻ മുഖ്യമന്ത്രി ഉമ്മൻചാണ്ടി ആവശ്യപ്പെട്ടു. കോൺഗ്രസ് ആവശ്യപ്പെടുന്ന സംയുക്ത അന്വേഷണം വേണം. കോൺഗ്രസിനെതിരെ ആക്ഷേപങ്ങൾ യാഥാർത്ഥ്യബോധമില്ലാതെയാണ് ഉന്നയിക്കുന്നത്. ജനങ്ങളുടെ സംശയം മാറ്റാവുന്ന സമഗ്ര അന്വേഷണം വേണമെന്നും ഉമ്മൻ ചാണ്ടി പറഞ്ഞു. കോൺഗ്രസ് സമിതി യോഗശേഷമാണ് മൂവരും സമഗ്ര അന്വേഷണം ആവശ്യപ്പെട്ടത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CONGRESS LEADERS, CBI, GOLD SMUGLING, CASE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.