SignIn
Kerala Kaumudi Online
Monday, 25 January 2021 10.15 PM IST

എലോൺ മസ്‌ക് ലോകത്തെ രണ്ടാമത്തെ വലിയ സമ്പന്നൻ

elon-musk

 ബിൽ ഗേറ്റ്‌സിനെ മൂന്നാംസ്ഥാനത്തേക്ക് പിന്തള്ളി

ന്യൂയോർക്ക്: ലോകത്തെ രണ്ടാമത്തെ വലിയ സമ്പന്നനെന്ന പട്ടം ചൂടി ടെസ്‌‌ല, സ്‌പേസ് എക്‌സ് എന്നിവയുടെ സി.ഇ.ഒ എലോൺ മസ്‌ക്. ഇലക്‌ട്രിക് വാഹന നിർമ്മാണ കമ്പനിയായ ടെസ്‌ലയുടെ ഓഹരിവിലക്കുതിപ്പാണ് നേട്ടമായത്.

തിങ്കളാഴ്‌ച 720 കോടി ഡോളർ വർദ്ധിച്ച് മസ്‌കിന്റെ ആസ്‌തി 12,790 കോടി ഡോളറായി; സുമാർ 9.50 ലക്ഷം കോടി രൂപ. 49കാരനായ മസ്‌ക് 2020ൽ മാത്രം ആസ്‌തിയിൽ കൂട്ടിച്ചേർത്തത് 10,030 കോടി ഡോളറാണ്. ഈവർഷത്തിന്റെ തുടക്കത്തിൽ ബ്ളൂംബെർഗിന്റെ ആദ്യ 500 ശതകോടീശ്വര പട്ടികയിൽ 35-ാം സ്ഥാനത്തായിരുന്നു അദ്ദേഹം. ടെസ്‌ലയുടെ മൂല്യം 50,000 കോടി ഡോളറിലേക്ക് അടുക്കുകയാണ്.

12,770 കോടി ഡോളർ ആസ്‌തിയുമായി മൈക്രോസോഫ്‌റ്റ് സ്ഥാപകൻ ബിൽ ഗേറ്റ്‌സ് മൂന്നാംസ്ഥാനത്തേക്ക് പിന്തള്ളപ്പെട്ടു. രണ്ടാംസ്ഥാനത്തിന് താഴെ ഗേറ്റ്‌സ് എത്തുന്നത് എട്ടുവർഷത്തിനിടെ ആദ്യം. 18,200 കോടി ഡോളർ ആസ്‌തിയുള്ള (13.47 ലക്ഷം കോടി രൂപ) ആമസോൺ സി.ഇ.ഒ ജെഫ് ബെസോസ് ആണ് ലോകത്തെ ഏറ്റവും സമ്പന്നൻ.

ലോകത്തെ ആദ്യ 10 ശതകോടീശ്വരന്മാരിൽ എട്ടും അമേരിക്കക്കാരാണ്. നാലാംസ്ഥാനത്തുള്ള ബെർണാഡ് അർണോൾട്ട് (ഫ്രാൻസ്), 10-ാംസ്ഥാനത്തുള്ള മുകേഷ് അംബാനി (ഇന്ത്യ) എന്നിവരാണ് മറ്റു രണ്ടുപേർ. മസ്‌ക്, ഈ മുന്നേറ്റം തുടർന്നാൽ വൈകാതെ ബെസോസിനെയും പിന്തള്ളുമെന്നാണ് വിലയിരുത്തൽ. മസ്‌ക്, ഗേറ്റ്‌സ്, ബെസോസ് എന്നിവരെ കഥാപാത്രങ്ങളാക്കി ഇന്നലെ സോഷ്യൽ മീഡിയയിൽ ഒട്ടേറെ ട്രോളുകളും നിറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, ELON MUSK, BILL GATES
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.