ഗാസ: അൽ ജസീറ, അസോസിയേറ്റഡ് പ്രസ് എന്നീ അന്താരാഷ്ട്ര മാദ്ധ്യമ സ്ഥാപനങ്ങൾ പ്രവർത്തിച്ചിരുന്ന പലസ്തീനിലെ ഗാസ സ്ട്രിപ്പിലുള്ള കെട്ടിടങ്ങൾ തകർത്ത് ഇസ്രയേലിന്റെ വ്യോമാക്രമണം. സ്ഥാപനങ്ങള് പ്രവര്ത്തിച്ചിരുന്ന ജലാ ടവര് എന്ന കെട്ടിടമാണ് തകര്ന്നത്. കെട്ടിടം ആക്രമിക്കുന്നതിന് മുമ്പ് കെട്ടിടമുടമയ്ക്ക് ഇസ്രായേല് സൈന്യത്തില് നിന്നും മുന്നറിയിപ്പ് ലഭിച്ചിരുന്നെന്ന് എഎഫ്പി റിപ്പോര്ട്ട് ചെയ്യുന്നു.
The owner of a Gaza high-rise housing the AP and other media outlets says he has received a call from the Israeli military that the building would be targeted. The man said he was told to make sure all residents have evacuated. https://t.co/QyRtPSPtlf
— The Associated Press (@AP) May 15, 2021
എത്രയും പെട്ടന്ന് കെട്ടിടമൊഴിപ്പിക്കണമെന്നാണ് ഇസ്രായേല് ഇന്റലിജന്സ് വകുപ്പ് ഉദ്യോഗസ്ഥന് മുന്നറിയിപ്പ് നല്കിയതെന്ന് ജലാ ടവര് ഉടമ ജാവദ് മെഹ്ദി പറഞ്ഞു. എഎഎഫ്പി പുറത്തുവിട്ട ശബ്ദ സന്ദേശത്തിൽ മാദ്ധ്യമപ്രവർത്തകർക്ക് അവരുടെ സാധന സാമഗ്രികൾ എടുക്കുന്നതിനായി 10 മിനിറ്റ് കൂടി നൽകണമെന്ന് ജാവദ് മെഹ്ദി അപേക്ഷിക്കുന്നുണ്ട്. എന്നാൽ ഇസ്രായേൽ ഉദ്യോഗസ്ഥൻ ഇത് ചെവിക്കൊള്ളാൻ തയ്യാറായില്ല.
ചുരുങ്ങിയ സമയത്തിനുള്ളിൽ കെട്ടിടത്തിൽ നിന്നും ആളുകളെ ഒഴിപ്പിച്ചതിനാലാണ് ജീവഹാനി ഉണ്ടാകാതിരുന്നത്. അൽ ജസീറ ചാനലിനെ നിശബ്ദമാക്കാൻ സാധിക്കില്ലെന്ന് അല് ജസീറ ആങ്കര് ഹസ്സാ മൊഹ്ദീന് പ്രതികരിച്ചു. സംഭവം ഞെട്ടിക്കുന്നതാണെന്നും ഇവിടെ തങ്ങളുടെ ബ്യൂറോ പ്രവര്ത്തിക്കുന്നതായി ഇസ്രായേലിന് അറിയാമായിരുന്നെന്നും അസോസിയേറ്റഡ് പ്രസ് സിഇഒ ഗാരി പ്രുടും പറഞ്ഞു.
content details: israeli airstrike destroys al jazeera associated press offices.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |