SignIn
Kerala Kaumudi Online
Monday, 14 June 2021 9.01 PM IST

കൊവിഡ്​ മഹാമാരിക്കിടയിലും ആൾക്കൂട്ട കൊലപാതകം; മരുന്നുവാങ്ങാൻ പോയ​ യുവാവിനെ തല്ലിക്കൊന്നു

mob-attack

ന്യൂഡൽഹി: ഹരിയാനയിലെ ​ഗുരു​ഗ്രാമിലെ മെവാദ് മേഖലയിൽ നടന്ന ആൾക്കൂട്ട ആക്രമണത്തിൽ യുവാവ് കൊല്ലപ്പെട്ടു. ഖലീൽപൂർ സ്വദേശിയും ജിം പരിശീലകനുമായ ആസിഫ് ഖാൻ (25) ആണ് കൊല്ലപ്പെട്ടത്. ആക്രമണത്തിൽ ആസിഫിന്റെ രണ്ട് ബന്ധുക്കൾക്കും പരിക്കേറ്റിട്ടുണ്ട്. മെവാദിലെ നീഹിൽനിന്നും സോഹ്നയിലേക്കുളള യാത്രയ്ക്കിടയിലാണ് ഇവർക്ക് നേരെ ആക്രമണം ഉണ്ടായത്.

മരുന്നു വാങ്ങാനായാണ് ആസിഫ് ബന്ധുക്കളോടൊപ്പം സോഹ്നയിലേക്ക് പോയത്. യാത്രയ്ക്കിടെ ഇവരെ ഒരു കൂട്ടം പേർ ആക്രമിക്കുയായിരുന്നു. ആസിഫിന്റെ മൃതദേഹം ഉപേക്ഷിച്ച നിലയിൽ സോഹ്നയിലെ ഒരു ​ഗ്രാമത്തിൽ നിന്നാണ് കണ്ടെത്തിയത്. കൂടെയുണ്ടായിരുന്നവരെയും സംഘം വഴിയിൽ ഉപേക്ഷിച്ചു. ഇവർക്കും ​ഗുരുതര പരിക്കുകളുണ്ട്.

ആസിഫ് കൊല്ലപ്പെട്ട വിവരം പുറത്തറിഞ്ഞതോടെ മെവാദിൽ നാട്ടുകാർ പ്രതിഷേധിച്ചു. കൊലപ്പെടുത്തിയവരെ അറസ്റ്റ് ചെയ്യണമെന്ന് ആവശ്യപ്പെട്ട് നാട്ടുകാർ ഗുരുഗ്രാം-ആൽവാർ റോഡ് മണിക്കൂറുകളോളം ഉപരോധിച്ചു. ഇപ്പോൾ സ്ഥിതി​ഗതികൾ നിയന്ത്രണ വിധേയമാണെങ്കിലും സ്ഥലത്ത് സംഘർഷാവസ്ഥ നിലനിൽക്കുന്നുണ്ട്.

സംഭവത്തിൽ മതപരമായ കാരങ്ങൾ ഉണ്ടെന്ന ആരോപണം പൊലീസ് തളളിക്കളഞ്ഞു. രണ്ട് ​ഗ്രൂപ്പുകൾ തമ്മിൽ മുൻപും ഏറ്റുമുട്ടിയിട്ടുണ്ടെന്നും പരസ്പരം പൊലീസിന് പരാതി നൽകിയിട്ടുണ്ടെന്നും അവർ പറയുന്നു. സംഭവത്തിൽ ആറു പേരെ പൊലീസ് കസ്റ്റഡിയിൽ എടുത്തിട്ടുണ്ട്. അതേസമയം സംഭവത്തിന് പിന്നിൽ പന്ത്രണ്ടിലേറെ പേർ ഉണ്ടെന്ന് ആസിഫിന്റെ കുടുംബാം​ഗങ്ങൾ പറയുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, ASIF KHAN, GYM TRAINER, MOB ATTACK, HARIYANA
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.