ചേർത്തല: അന്ധകാരനഴിയിലെ അർദ്ധഷട്ടറുകൾ ഉയർത്തി വള്ളം കടന്നുപോകാൻ വഴിയൊരുക്കണമെന്ന് അന്ധകാരനഴി മണൽവാരൽ തൊഴിലാളി യൂണിയൻ(സി.ഐ.ടി.യു) ആവശ്യപ്പെട്ടു.അർദ്ധഷട്ടറുകൾ ജലനിരപ്പിൽ നിർത്തിയിരിക്കുന്നതിനാൽ മത്സ്യമണൽവാരൽ തൊഴിലാളികൾ നാല് വർഷമായി കടുത്ത ദുരിതത്തിലാണ്.ഇവ ഉയർത്തണമെന്ന് ആവശ്യപ്പെട്ട് യൂണിയൻ പ്രക്ഷോഭം സംഘടിപ്പിക്കുകയും അധികൃതർക്ക് പല തവണ നിവേദനം നൽകുകയും ചെയ്തെങ്കിലും അനുകൂല നടപടി ഉണ്ടായില്ല. അരൂർ ഉപതിരഞ്ഞെടുപ്പ് ഘട്ടത്തിൽ മുഖ്യമന്ത്റി എത്തിയപ്പോൾ സജി ചെറിയാൻ എം.എൽ.എ മുഖേന നൽകിയ നിവേദനം പരിഗണിച്ച് 2019 ഒക്ടോബർ 25ന് ഷട്ടർ ഉയർത്തിയെങ്കിലും കളക്ടർ ഇടപെട്ട് ഡിസംബർ 25ന് വീണ്ടും താഴ്ത്തി. അർദ്ധഷട്ടറുകൾ ഉയർത്തണമെന്ന് ആവശ്യപ്പെട്ട് മുഖ്യമന്ത്റി പിണറായി വിജയനും മന്ത്റിമാരായ പി.പ്രസാദിനും സജി ചെറിയാനും നിവേദനംനൽകിയതായി യൂണിയൻ പ്രസിഡന്റ് കെ. കെ.ദിനേശനും ജനറൽ സെക്രട്ടറി ടി.കെ. ദാസനും അറിയിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |