SignIn
Kerala Kaumudi Online
Wednesday, 28 July 2021 12.09 AM IST

കഞ്ചാവ് കേക്ക് വിറ്റതിന് ദമ്പതികളടക്കം മൂന്ന് പേർ പിടിയിൽ

cannabis

മുംബയ്: കഞ്ചാവ് ഉപയോഗിച്ച് ഉണ്ടാക്കിയ കേക്ക് വില്പന നടത്തിയതിന് മുംബയ് മലാഡിൽ ഒരു സ്ത്രീ അടക്കം മൂന്ന് പേരെ ഡ്രഗ്സ് ആൻഡ് നർക്കോട്ടിക്ക് സെൽ ഉദ്യോഗസ്ഥർ അറസ്റ്റ് ചെയ്തു. ഇവരിൽ നിന്ന് 830 ഗ്രാം കഞ്ചാവ് പൊടിയും 60 ഗ്രാം കഞ്ചാവും പിടികൂടി. മലാഡ് ഈസ്റ്റിലെ ബേക്കറിയിൽ നിന്നും കഞ്ചാവ് ഉപയോഗിച്ച് അലങ്കരിച്ച 10 കേക്കുകൾ പിടികൂടിയതായി നാർക്കോട്ടിക്സ് ഉദ്യോഗസ്ഥർ മാദ്ധ്യമങ്ങളോട് പറഞ്ഞു. ദമ്പതികളായ ബേക്കറി ഉടമകളെ അറസ്റ്റ് ചെയ്ത പൊലീസിന് ഇവരിൽ നിന്നും മുംബയിൽ വ്യാപകമായി കഞ്ചാവ് വിതരണം ചെയുന്ന ജഗത് ചൗരസ്യയെകുറിച്ച് വിവരം ലഭിക്കുകയായിരുന്നു. ഞായറാഴ്ച ഇയാളെ അറസ്റ്റ് ചെയ്ത പൊലീസ് ഇയാളിൽ നിന്ന് 125 ഗ്രാം കഞ്ചാവും പിടികൂടി.

കേക്കുകളിൽ കഞ്ചാവ് കലർത്തി ഉപയോഗിക്കുന്നത് ഇപ്പോൾ രാജ്യത്തെ യുവാക്കളുടെ ഇടയിൽ വ്യാപകമാണെന്ന് അന്വേഷണ ഉദ്യോഗസ്ഥർ മാദ്ധ്യമങ്ങളോട് പറഞ്ഞു. ഇതാദ്യമായാണ് രാജ്യത്ത് ഇത്തരമൊരു കേസ് രജിസ്റ്റർ ചെയുന്നത്. കഞ്ചാവ് ഭക്ഷണപദാർത്ഥമായി ഉപയോഗിക്കുന്നത് അത് വലിക്കുന്നതിനേക്കാൾ ദോഷകരമാണെന്നും യുവാക്കൾ ഇത്തരം പ്രവണതകളിൽ നിന്ന് ഒഴിഞ്ഞ് നിൽക്കണമെന്നും അധികൃതർ ആവശ്യപ്പെട്ടു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, CANNABIS CAKE, MUMBAI CRIME, MARIJUANA, DRUGS CONTROLLER GENERAL OF INDIA
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.