മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്ത ലൂസിഫറിന്റെ തെലുങ്ക് റീമേക്കിനായി ഹൈദരാബാദിൽ പടുകൂറ്റൻ സെറ്റ് ഒരുങ്ങുന്നു. ചിത്രീകരണത്തിന്റെ അവസാനഘട്ടത്തിലേക്ക് കടന്ന ചിരഞ്ജീവിയുടെ ആചാര്യ എന്ന ചിത്രത്തിനായി മനോഹരമായ ക്ഷേത്രനഗരിയുടെ സെറ്റ് ഒരുക്കിയ സുരേഷ് ശെൽവരാജൻ തന്നെയാണ് തെലുങ്ക് ലൂസിഫറിന്റെയും കലാസംവിധായകൻ.
കൊരട്ടാല ശിവ സംവിധാനം ചെയ്യുന്ന ആചാര്യ പൂർത്തിയാക്കിയ ശേഷം ആഗസ്റ്റിൽ ലൂസിഫറിന്റെ തെലുങ്ക് പതിപ്പിൽ ചിരഞ്ജീവി അഭിനയിച്ച് തുടങ്ങും. മോഹൻരാജയാണ് ഇനിയും പേരിട്ടിട്ടില്ലാത്ത ഈ ചിത്രം സംവിധാനം ചെയ്യുന്നത്.
എൻ.വി. പ്രസാദ്, പരാസ് ജെയിൻ, വക്കഡ, അപ്പറാവു എന്നിവർ ചേർന്ന് നിർമ്മിക്കുന്ന ചിത്രത്തിന്റെ സംഗീത സംവിധാനം നിർവഹിക്കുന്നത് തമൻ.എസ് ആണ്. ഗാനങ്ങളുടെ റെക്കോർഡിംഗ് കഴിഞ്ഞ മാസം പൂർത്തിയായിരുന്നു. നയൻതാരയാണ് നായിക.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |