ന്യൂഡൽഹി: പെഗസസ്, കാർഷിക നിയമ വിഷയങ്ങളിൽ ലോക്‌സഭയിൽ ഇന്നലെ പ്രതിഷേധത്തിനിടെ കടലാസ് കീറിയെറിഞ്ഞ കേരളത്തിൽ നിന്നുള്ള ഡീൻ കുര്യാക്കോസ്, ഹൈബി ഈഡൻ, എ.എം. ആരിഫ് എന്നിവരടക്കം12 എം.പിമാരെ ലോക്‌സഭാ സ്പീക്കർ ഓംബിർള ചേംബറിൽ വിളിച്ചുവരുത്തി ശാസിച്ചു.

സഭയിൽ അച്ചടക്കം പാലിക്കണമെന്ന് വ്യക്തമാക്കിയ സ്‌പീക്കർ കേരള നിയമസഭയിലെ കൈയാങ്കളിക്കേസ് സുപ്രീംകോടതിയിൽ നടക്കുന്നത് അറിയാമല്ലോ എന്ന് അംഗങ്ങളെ ഓർമ്മിപ്പിച്ചു. ചോദ്യോത്തര വേളയ്‌ക്കിടെ കടലാസ് കീറിയെറിഞ്ഞതിൽ എം.പിമാർക്കെതിരെ നടപടി ആവശ്യപ്പെട്ട് ഭരണപക്ഷം പ്രമേയം അവതരിപ്പിക്കുമെന്ന് സൂചനയുണ്ട്.