ന്യൂഡൽഹി : അഫ്ഗാനിസ്ഥാനിൽ താലിബാൻ അധികാരത്തിൽ തിരികെ എത്തുന്നത് ആഘോഷിക്കുന്നവരിൽ ഇന്ത്യൻ മുസ്ലീങ്ങളുമുണ്ടെന്ന നടൻ നസീറുദ്ദീൻ ഷായുടെ വാക്കുകൾ വിവാദമായി. സമൂഹമാദ്ധ്യങ്ങളിലൂടെ നിരവധി പേർ അദ്ദേഹത്തിനെ പരസ്യമായി വിമർശിച്ചു. രാഷ്ട്രീയ കാഴ്ചപ്പാടുകളിലൂടെ വാർത്തകളിൽ നിറഞ്ഞു നിൽക്കുന്ന താരമാണ് നസീറുദ്ദീൻ ഷാ. താലിബാന്റെ തീരുമാനങ്ങളെ വിമർശിച്ചതിനൊപ്പമാണ് ഇത്തരം വിവാദ പ്രസ്താവന അദ്ദേഹം നടത്തിയത്.

പ്രാകൃതമായ പാരമ്പര്യങ്ങളോടും മൂല്യങ്ങളോടും ഒപ്പം ജീവിക്കാനാണോ അതോ ആധുനികതയെ പിന്തുണയ്ക്കാനാണോ താത്പര്യമെന്ന് എല്ലാ ഇന്ത്യാക്കാരും സ്വയം ചോദിക്കണമെന്നും അദ്ദേഹം ആവശ്യപ്പെട്ടു. സ്വയം പ്രമോഷനായി മുസ്ലീം ഐഡന്റിറ്റി ഉപയോഗിക്കുകയാണ് താരം ചെയ്യുന്നതെന്ന് വിമർശകർ ആരോപിച്ചു. ചിലയാളുകൾ നടനെ നിരീശ്വരവാദി എന്നും വിശേഷിപ്പിച്ചു. എന്നാൽ താരത്തിന് പിന്തുണയുമായി എത്തിയവരും ഉണ്ടായിരുന്നു.

Very well said Nasir sb. It needed to be said. https://t.co/7HCwDSVDAJ

— S lrfan Habib (@irfhabib) September 1, 2021