മസ്റ്ററിംഗ് പൂർത്തിയാക്കാൻ ഒരവസരം കൂടി

തിരുവനന്തപുരം: സാമൂഹ്യ സുരക്ഷ / ക്ഷേമനിധി ബോർഡ് പെൻഷൻ ഗുണഭോക്താക്കളിൽ മസ്റ്റർ ചെയ്തിട്ടില്ലാത്തവർക്ക് കൊവിഡ് കാലഘട്ടം പരിഗണിച്ച് ക്ഷേമനിധി ബോർഡുകൾ മുഖേന ലൈഫ് സർട്ടിഫിക്കറ്റ് സമർപ്പിച്ച് മസ്റ്ററിംഗ് പൂർത്തിയാക്കാൻ ഒരവസരം കൂടി നൽകുന്ന കാര്യം സർക്കാർ പരിശോധിക്കുമെന്ന് മന്ത്രി കെ.എൻ ബാലഗോപാൽ നിയമസഭയെ അറിയിച്ചു

സാമൂഹിക സുരക്ഷാപെൻഷൻ ഗുണഭോക്താക്കളിൽ 3,42,985 പേരും വിവിധ ക്ഷേമനിധി ബോർഡ് പെൻഷൻ ഗുണഭോക്താക്കളിൽ 107541 പേരും മസ്റ്ററിംഗ് പൂർത്തിയാക്കാനുണ്ട്. മസ്റ്റർ ചെയ്തിട്ടില്ലാത്തവരുടെ പെൻഷൻ തടഞ്ഞുവച്ചിട്ടുണ്ട്. മസ്റ്ററിംഗ് പൂർത്തിയാക്കുന്ന മുറയ്ക്ക് പെൻഷൻ തുടർന്ന് ലഭിക്കുമെന്നും പ്രതിപക്ഷനേതാവ് വി.ഡി.സതീശന്റെ സബ്മിഷന് മന്ത്രി മറുപടി നൽകി.