SignIn
Kerala Kaumudi Online
Sunday, 28 November 2021 1.33 AM IST

ഐ പി എൽ ലേലത്തിൽ പങ്കെടുക്കാൻ പ്രീമിയർ ലീഗ് ക്ലബും മാദ്ധ്യമ ഭീമന്മാരും, രണ്ട് ടീമുകൾക്ക് വേണ്ടി രംഗത്തുള്ളത് പതിനൊന്ന് പേർ

ipl

മുംബയ്: ഇന്ത്യൻ ക്രിക്കറ്റിൽ നിക്ഷേപിക്കാനുള്ള താത്പര്യം പ്രകടിപ്പിച്ച് ലോക ഫുട്ബാളിലെ തന്നെ വമ്പന്മാരായ ഇംഗ്ളണ്ടിലെ പ്രീമിയർ ലീഗ് ടീം മാഞ്ചസ്റ്റർ യുണൈറ്റഡ്. മാഞ്ചസ്റ്റർ യുണൈറ്റഡ് ടീം ഉടമകളായ ഗ്ലേസർ കുടുംബം പുതിയ ഐ പി എൽ ക്ലബ് തുടങ്ങുന്നതിനു വേണ്ടിയുള്ള ടെൻഡർ അപേക്ഷ വാങ്ങിച്ചുവെന്ന് ബി സി സി ഐ വൃത്തങ്ങൾ മാദ്ധ്യമങ്ങളോട് വ്യക്തമാക്കി. ഒരു സ്വകാര്യ ഇക്ക്വിറ്റി കമ്പനി വഴിയാണ് ഗ്ലേസർ കുടുംബം ഐ പി എല്ലിന്റെ ടെൻഡർ രേഖകൾ വാങ്ങിച്ചിരിക്കുന്നത്.

ബി സി സി ഐയുടെ നിയമാവലി അനുസരിച്ച് 3000 കോടിയുടെ ശരാശരി ടേൺ ഓവറുള്ള കമ്പനിക്കോ 2500 കോടി ആസ്തിയുള്ള വ്യക്തികൾക്കോ ഐ പി എൽ ക്ളബ് സ്വന്തമാക്കുന്നതിന് വേണ്ടിയുള്ള ലേലത്തിൽ പങ്കെടുക്കാം. ഒക്ടോബർ അവസാന വാരമാണ് ബി സി സി ഐ ടെൻഡറുകൾ സമർപ്പിക്കുന്നതിനുള്ള അപേക്ഷ ക്ഷണിച്ചു കൊണ്ട് പരസ്യം ചെയ്തത്.

വിദേശ പൗരന്മാരെയും ഐ പി എൽ ലേലത്തിൽ പങ്കെടുക്കാൻ ബി സി സി ഐ അനുവദിക്കുന്നുണ്ടെങ്കിലും ടീം ഉടമകളാകണമെങ്കിൽ അവർ ഇന്ത്യയിൽ ഒരു കമ്പനി രജിസ്റ്റർ ചെയ്യണം. നിയമപരമായി ഗ്ലേസർ കുടുംബത്തിന് ഐ പി എൽ ലേലത്തിൽ പങ്കെടുക്കാൻ തടസങ്ങളൊന്നുമില്ലെങ്കിലും അവർ ലേലത്തിൽ പങ്കെടുക്കുമോ എന്ന് ഈ സാഹചര്യത്തിൽ ഉറപ്പു പറയാൻ സാധിക്കില്ലെന്ന് ഇതുമായി ബന്ധപ്പെട്ടവർ പറയുന്നു.

നിരവധി അന്താരാഷ്ട്ര കമ്പനികൾ ഐ പി എൽ ടെൻഡറുകൾ വാങ്ങുന്നത് പതിവാണ്. എന്നാൽ ഈ ടൂർണമെന്റിനെ കുറിച്ച് കൂടുതൽ മനസിലാക്കുക എന്നതാണ് അവരുടെ ലക്ഷ്യം. ടെൻഡർ രേഖകൾ നോക്കിയാൽ ഐ പി എൽ ഭാവിയിൽ വരുത്താൻ ഉദ്ദേശിക്കുന്ന മാറ്റങ്ങളും വികസന പ്രവർത്തനങ്ങളും ഒരു നല്ല ബിസിനസ്സുകാരന് മനസിലാകുമെന്ന് ടെൻഡർ നടപടികളുമായി ബന്ധപ്പെട്ട ഉദ്യോഗസ്ഥർ പറഞ്ഞു.

ഗ്ലേസർ കുടുംബത്തെ കൂടാതെ അദാനി ഗ്രൂപ്പ്, ടൊറന്റ് ഫാർമ, ഔരോബിന്ദോ ഫാർമ, ആർ പി - സഞ്ജീവ് ഗോയെങ്ക ഗ്രൂപ്പ്, ഹിന്ദുസ്ഥാൻ ടൈംസ് മീഡിയ, ജിൻഡാൽ സ്റ്റീൽ, റോണി സ്ക്രൂവാല എന്നിവരും ടെൻഡർ രേഖകൾ വാങ്ങിച്ചിട്ടുണ്ട്. ഇവർക്ക് പുറമേ മറ്റ് മൂന്ന് കമ്പനികൾ കൂടെ ലേലത്തിൽ പങ്കെടുക്കാനുള്ള താത്പര്യം പ്രകടിപ്പിച്ചിട്ടുണ്ട്. പുതുതായി രണ്ട് ഐ പി എൽ ടീമുകളെ കൂടി ലീഗിൽ ഉൾപ്പെടുത്താനാണ് ബി സി സി ഐ ശ്രമം. അഹമ്മദാബാദ്, ലക്നൗ, ഗുവാഹത്തി, കട്ടക്ക്, ഇൻഡോർ, ധരംശാല എന്നീ നഗരങ്ങൾക്കായിരിക്കും പുതിയ ടീമുകൾ പ്രഥമ പരിഗണന നൽകുക.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, IPL, CRICKET, MANCHESTER UNITED, FOOTBALL, BCCI, ICC, GLAZER FAMILY, ADANI, GOENKA
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.