അബുദാബി: ട്വന്റി 20 ലോകകപ്പിൽ ആദ്യജയം സ്വന്തമാക്കി ഇന്ത്യ. അഫ്ഗാനിസ്ഥാനെ 66 റൺസിനാണ് ഇന്ത്യ തോൽപ്പിച്ചത്. 211 റൺസ് വിജയലക്ഷ്യവുമായി ബാറ്റിംഗിനിറങ്ങിയ അഫ്ഗാന് 20 ഓവറിൽ 7 വിക്കറ്റ് നഷ്ടത്തിൽ 144 റൺസ് നേടാനേ കഴിഞ്ഞുള്ളു.
നേരത്തെ ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ഇന്ത്യ നിശ്ചിത 20 ഓവറില് രണ്ടു വിക്കറ്റ് നഷ്ടത്തില് 210 റണ്സെടുത്തു. .രോഹിത് ശര്മ - കെ.എല് രാഹുല് ഓപ്പണിങ് കൂട്ടുകെട്ടാണ് ഇന്ത്യക്ക് ഈ ലോകകപ്പിലെ തന്നെ ഏറ്റവും ഉയർന്ന സമ്മാനിച്ചത്. അര്ധ സെഞ്ചുറി നേടിയ ഇരുവരും ഓപ്പണിങ് വിക്കറ്റില് 14.4 ഓവറില് 140 റണ്സ് ചേര്ത്ത ശേഷമാണ് പിരിഞ്ഞത്.47 പന്തില് നിന്ന് മൂന്ന് സിക്സും എട്ടു ഫോറുമടക്കം 74 റണ്സെടുത്ത രോഹിത്തിനെ പുറത്താക്കി കരീം ജന്നത്താണ് ഈ കൂട്ടുകെട്ട് പൊളിച്ചത്.പിന്നാലെ 17-ാം ഓവറില് രാഹുലും മടങ്ങി. 48 പന്തില് നിന്ന് രണ്ടു സിക്സും ആറു ഫോറുമടക്കം 69 റണ്സെടുത്താണ് രാഹുല് പുറത്തായത്.തുടര്ന്ന് ക്രീസില് ഒന്നിച്ച ഋഷഭ് പന്തും ഹാര്ദിക് പാണ്ഡ്യയും തകര്ത്തടിച്ചതോടെ ഇന്ത്യന് സ്കോര് 200 കടന്നു. മൂന്നാം വിക്കറ്റില് ഇരുവരും വെറും 22 പന്തില് നിന്ന് 63 റണ്സ് ഇന്ത്യന് സ്കോറിലേക്ക് ചേര്ത്തു.ഋഷഭ് 13 പന്തുകള് നേരിട്ട് മൂന്ന് സിക്സും ഒരു ഫോറുമടക്കം 27 റണ്സെടുത്തു. 13 പന്തുകള് നേരിട്ട പാണ്ഡ്യ രണ്ട് സിക്സും നാലു ഫോറുമടക്കം 35 റണ്സോടെ പുറത്താകാതെ നിന്നു
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |