SignIn
Kerala Kaumudi Online
Wednesday, 18 May 2022 9.19 AM IST

മഹാരാഷ്ട്രയിലും ഒമിക്രോൺ സ്ഥിരീകരിച്ചു,​ രോഗം ബാധിച്ചത് ആഫ്രിക്കയിൽ നിന്നെത്തിയ താനെ സ്വദേശിക്ക്,​ രാജ്യത്ത് രോഗബാധിതരുടെ എണ്ണം നാലായി

oi

മുംബയ് : ഇന്ത്യയിൽ നാലാമത്തെ ഒമിക്രോൺ കേസ് സ്ഥിരീകരിച്ചു. മഹാരാഷ്ട്രയിലാണ് ഒമിക്രോൺ സ്ഥിരീകരിച്ചത്. ആഫ്രിക്കയിൽ നിന്നെത്തിയ താനെ ഡോംബിവലി സ്വദേശിക്കാണ് രോഗം ബാധിച്ചത്.

ഗുജറാത്തിലെ ജാംനഗറിൽ സിംബാബ്‌വേയിൽ നിന്നെത്തിയ അൻപതുവയസുകാരനിലും ഇന്ന് ഒമിക്രോൺ സ്ഥിരീകരിച്ചിരുന്നു. രണ്ട് ദിവസം മുൻപായിരുന്നു ഇയാൾ ജാംനഗറിൽ എത്തിയത്. വിമാനത്താവളത്തിലെ പരിശോധനയിൽ ഇയാൾക്ക് കൊവിഡ് സ്ഥിരീകരിച്ചിരുന്നു. തുടർന്ന് പൂണെ ഇൻസ്റ്റിറ്റ്യൂട്ട് ഒഫ് വൈറോളജിയിൽ നടത്തിയ ജനിതക ശ്രേണീകരണത്തിൽ ഒമിക്രോൺ സ്ഥിരീകരിക്കുകയായിരുന്നു. ഇയാളെ നിരീക്ഷണത്തിനായി മാറ്റി.

കർണാടകയിലാണ് രാജ്യത്ത് ആദ്യമായി ഒമിക്രോൺ സ്ഥിരീകരിച്ചത്. അറുപത്തിയാറും നാൽപ്പത്തിയാറും വയസുള്ള രണ്ട് പുരുഷൻമാരിലായിരുന്നു വൈറസ് സ്ഥിരീകരിച്ചത്. ഒമിക്രോൺ കണ്ടെത്തിയ നാൽപ്പത്തിയാറുകാരൻ ബംഗളൂരു സ്വദേശിയായ ഡോക്ടറാണ്. രണ്ട് ഡോസ് വാക്സിനും സ്വീകരിച്ച ഇദ്ദേഹം പനിയെ തുടർന്ന് നടത്തിയ പരിശോധനയിൽ ഒമിക്രോൺ സ്ഥിരീകരിക്കുകയായിരുന്നു.

ഒമിക്രോൺ സ്ഥിരീകരിച്ച രണ്ടാമത്തെയാൾ ദക്ഷിണാഫ്രിക്കൻ പൗരനാണ്. അറുപത്തിയാറുകാരനായ ഇയാൾ കൊവിഡ് നെഗറ്റീവ് സർട്ടിഫിക്കറ്റുമായാണ് ഇന്ത്യയിലെത്തിയത്. എന്നാൽ പരിശോധനയിൽ കൊവിഡ് സ്ഥിരീകരിച്ചതോടെ ക്വാറന്റൈനിന് നിർദേശിക്കപ്പെട്ട ഇയാൾ ഒരാഴ്ചയ്ക്ക് ശേഷം സ്വകാര്യ ലാബിൽ നിന്നും നെഗറ്റീവ് സർട്ടിഫിക്കറ്റുമായെത്തി ദുബായിലേയ്ക്ക് പോയതായി അധികൃതർ വ്യക്തമാക്കിയിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, OMICRON, MAHARASHTRA
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.