SignIn
Kerala Kaumudi Online
Tuesday, 17 May 2022 4.47 PM IST

സന്ദീപിന്റെ കൊലപാതകം സി പി എം ആസൂത്രണം ചെയ്തത്, എല്ലാം നടന്നത് ചില നേതാക്കളുടെ അറിവോടെ; ഗുരുതര ആരോപണവുമായി കെ സുരേന്ദ്രൻ

k-surendran-sandeep

തിരുവനന്തപുരം: പെരിങ്ങര സി പി എം ലോക്കൽ കമ്മിറ്റി സെക്രട്ടറി സന്ദീപിന്റെ കൊലപാതകത്തിൽ യഥാർത്ഥ പ്രതികളെ പുറത്തെത്തിക്കാൻ പ്രത്യേക സംഘത്തെ നിയോഗിക്കണമെന്ന് ബി ജെ പി സംസ്ഥാന അദ്ധ്യക്ഷൻ കെ സുരേന്ദ്രൻ. കൊലപാതകത്തിലെ ഗൂഢാലോചനയെക്കുറിച്ചും അന്വേഷണം വേണമെന്ന് സുരേന്ദ്രൻ ആവശ്യപ്പെട്ടു.

"കൊലപാതകം സി പി എം ആസൂത്രണം ചെയ്തതാണ്. ചില നേതാക്കൾക്ക് കൃത്യം നടത്താൻ പോകുന്ന വിവരം നേരത്തെ അറിയാമായിരുന്നു. കൊലപാതകത്തിന് ശേഷമുള്ള പല നേതാക്കളുടേയും പ്രതികരണങ്ങളിൽ നിന്നും അത് വ്യക്തമാണ്.

കൊലപാതകം നടന്നയുടൻ തന്നെ പോസ്റ്ററുകൾ നിരന്നു. എൽ ഡി എഫ് കൺവീനർ എ വിജയരാഘവൻ കൊലയ്ക്ക് പിന്നിൽ ആർ എസ് എസ് ആണെന്ന് അപ്പോൾ തന്നെ പറഞ്ഞു. ഇതെല്ലാം സിപിഎമ്മിന് കൊലയെക്കുറിച്ച് അറിയാമായിരുന്നുവെന്നതിന് തെളിവാണ്."- സുരേന്ദ്രൻ ആരോപിച്ചു

സന്ദീപിന് നേരെയുണ്ടായത് ഗുണ്ടാ ആക്രമണമാണെന്ന് പൊലീസ് ആദ്യം കണ്ടെത്തിയിരുന്നു. എന്നാൽ സി പി എം ഇടപെട്ട് ആർ എസ് എസ് പ്രവർത്തകരാണ് കൊലയ്ക്ക് പിന്നിലെന്ന് തിരുത്തിച്ചു. ഈ കൊലപാതകത്തിലെ പ്രതികളിലൊരാൾ കണ്ണൂർ സ്വദേശിയായ മുഹമ്മദ് ഫൈസലാണ്. ഇയാൾ എങ്ങനെ കേസിലെത്തി എന്ന് പൊലീസ് പറയണമെന്നും സുരേന്ദ്രൻ ആവശ്യപ്പെട്ടു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: SANDEEP MURDER CASE, K SURENDRAN
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.