ബൗൺസിന്റെ ഇൻഫിനിറ്റി ഇ1: ബാറ്ററിയില്ലാതെ വാങ്ങാം ഇ-സ്‌കൂട്ടർ

കൊച്ചി: ബംഗളൂരു ആസ്ഥാനമായ 'ബൗൺസ് " എന്ന ഇ-വാഹന സ്‌റ്റാർട്ടപ്പ് ആദ്യമായി വിപണിയിലിറക്കിയ ഇലക്‌ട്രിക് സ്കൂട്ടറാണ് ഇൻഫിനിറ്റി ഇ1. 'ബാറ്ററി ആസ് എ സർവീസ് " ഓപ്‌ഷനാണ് ഇൻഫിനിറ്റി ഇ1ന്റെ പ്രത്യേകത. അതായത്,​ ഉപഭോക്താക്കൾക്ക് ഈ സ്കൂട്ടർ ബാറ്ററിയോടെയോ ബാറ്ററി ഇല്ലാതെയോ വാങ്ങാം.

ബാറ്ററി ഇല്ലാതെ വാങ്ങുന്നവർക്ക് സ്വാപ്പിംഗ് ഓപ്‌ഷൻ പ്രയോജനപ്പെടുത്താം. അതായത്,​ ബാറ്ററി ചാർജ് തീരുമ്പോൾ മറ്റൊന്ന് പാട്ടത്തിനെടുക്കാം. ഇതിന് സബ്‌സ്‌ക്രിപ്‌ഷൻ ചാർജ് 850 രൂപ മുതൽ 1250 രൂപവരെയാണ്. പുറമേ ഓരോ സ്വാപ്പിംഗിനും 35 രൂപ വീതവും നൽകണം.

ബാറ്ററിയോട് കൂടി ഇൻഫിനിറ്റി ഇ1 വാങ്ങാൻ വില 68,​999 രൂപയാണ് ഡൽഹി എക്‌സ്‌ഷോറൂം വില. ബാറ്ററിയില്ലാതെ വില 45,​099 രൂപ. പുറമേ ഫെയിം-2 സബ്സിഡിയും ലഭ്യമാണ്. 499 രൂപ നൽകി ഇപ്പോൾ ഇൻഫിനിറ്റി ഇ1 ബുക്ക് ചെയ്യാം.