SignIn
Kerala Kaumudi Online
Tuesday, 17 May 2022 2.13 PM IST

കോട്ടിക്കുളം നാവിക ക്ലബിന് രാജ്യാന്തര ബഹുമതി

photo
കാസർകോട് കോട്ടിക്കുളം മർച്ചന്റ് നേവി ക്ലബ്ബ

കാസർകോട്: കപ്പൽ ജീവനക്കാരുടെ ക്ഷേമത്തിനായി പ്രവർത്തിക്കുന്ന കാസർകോട് കോട്ടിക്കുളം മർച്ചന്റ് നേവി ക്ലബ്ബിന് ഇംഗ്ലണ്ടിലെ സതാംപ്ടൺ ആസ്ഥാനമായുള്ള സെയിലേഴ്സ് സൊസൈറ്റിയുടെ ബഹുമതി പത്രം ലഭിച്ചു. വർഷങ്ങളായുള്ള ക്ലബ്ബിന്റെ പ്രവർത്തനങ്ങളെ വിലയിരുത്തിയാണ് ബഹുമതിയെന്ന് സെയിലേഴ്സ് സൊസൈറ്റിയുടെ ഇന്ത്യയിലെ കമ്യുണിറ്റി ഡവലപ്മെന്റ് മാനേജർ ക്യാപ്റ്റൻ വി. മനോജ്‌ ജോയ് അറിയിച്ചു.

കൊവിഡ് മഹാമാരിയിൽ സെയിലേഴ്സ് സൊസൈറ്റി കൈമാറിയ 35 ലക്ഷത്തോളം രൂപ വിലമതിക്കുന്ന 1200 ആരോഗ്യ സുരക്ഷ കിറ്റുകൾ അർഹരായ മർച്ചന്റ് നേവി ജീവനക്കാരെ കണ്ടെത്തി സുതാര്യമായി വിതരണം ചെയ്ത ക്ലബ്ബിന്റെ സേവനങ്ങളെ ബഹുമതിപത്രത്തിൽ പ്രത്യേകം അഭിനന്ദിച്ചിട്ടുണ്ട്. രാജ്യത്തെ വിവിധ നഗരങ്ങളിൽ കിറ്റ് വിതരണം ഏൽപ്പിച്ചിരുന്നുവെങ്കിലും റെക്കാഡ് വേഗത്തിൽ പൂർത്തിയാക്കിയത്‌ കോട്ടിക്കുളം മർച്ചന്റ് നേവി ക്ലബ്ബാണെന്ന് ക്യാപ്റ്റൻ മനോജ്‌ ജോയ് പറഞ്ഞു.

ജോലിയിൽ നിന്ന് വിരമിച്ച കണ്ണൂർ, കാസർകോട് ജില്ലയിലെ അംഗങ്ങൾക്ക് 65, 75 വയസ് പൂർത്തിയാകുന്ന മുറയ്‌ക്ക് പണക്കിഴിയും മരണാനന്തരം ഭാര്യയ്‌ക്ക് ധനസഹായവും നൽകുന്ന രാജ്യത്തെ ഏക മർച്ചന്റ് നേവി കൂട്ടായ്‌മയാണിത്. അടുത്ത വർഷം മുതൽ 80 പൂർത്തിയാകുന്നവരെയും പണക്കിഴി നൽകി ആദരിക്കുമെന്ന് ക്ലബ്‌ ഭാരവാഹികൾ അറിയിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KOTTIKKULAM NAVIKA CLUB
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.