ന്യൂഡൽഹി : ഒമിക്രോൺ വ്യാപനത്തിന്റെ ഭീഷണിക്കിടെ ഇന്ത്യയിൽ ആദ്യത്തെ ഒമിക്രോൺ മരണം സ്ഥിരീകരിച്ചു. നൈജീരിയയിൽ നിന്നെത്തിയ 52കാരനാണ് മരിച്ചത്. മഹാരാഷ്ട്രയിലെ പിംപ്രി-ചിൻച്വാദിലാണ് ആണ് മരണം റിപ്പോർട്ട് ചെയ്തത്. ഈ മാസം 28 ന് മരിച്ച രോഗിയുടെ സാമ്പിൾ വൈറോളജി ഇൻസ്റ്റിറ്റ്യൂട്ടിൽ പരിശോധനയ്ക്ക് അയച്ചിരുന്നു. പരിശോധനയിലാണ് ഒമിക്രോൺ സ്ഥിരീകരിച്ചത്.
അതേസമയം ഒമിക്രോണ് വ്യാപനത്തിന്റെ പശ്ചാത്തലത്തില് ഡൽഹിക്കും ഏഴ് സംസ്ഥാനങ്ങള്ക്കും കേന്ദ്രം വീണ്ടും ജാഗ്രത നിര്ദ്ദേശം നല്കിയിട്ടുണ്ട്. ഡൽഹിയില് സാമൂഹിക വ്യാപന സാധ്യതയുണ്ടെന്ന് സര്ക്കാര് വ്യക്തമാക്കി. . ഒമിക്രോണിനൊപ്പം ഡെല്റ്റയും ഭീഷണിയാകുമ്പോള് 8 ജില്ലകളില് ടെസ്റ്റ് പോസിറ്റിവിറ്റി നിരക്ക് പത്ത് ശതമാനത്തിന് മുകളിലും, പതിനാല് ജില്ലകളില് അഞ്ചിനും പത്തിനും ഇടയ്ക്കുമാണ്. തിങ്കളാഴ്ച രാജ്യത്ത് അഞ്ഞൂറ് കടന്ന ഒമിക്രോണ് ബാധിതരുടെ എണ്ണം രണ്ട് ദിവസം കൊണ്ടാണ് ആയിരത്തിനടുത്ത് എത്തിയിരിക്കുന്നത്.263 പേര്ക്ക് ഒമിക്രോണ് സ്ഥിരീകരിച്ച ഡൽഹിയാണ് പട്ടികയില് ഒന്നാമത്. ഡൽഹിയില് റിപ്പോര്ട്ട് ചെയ്യുന്ന കൊവിഡ് കേസുകളില് 46 ശതമാനവും ഒമിക്രോണ് വകഭേദമാണ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |