രമേശ് ചെന്നിത്തല ഇന്ന് പുരവിമലയിൽ

തിരുവനന്തപുരം: പുതുവർഷ ദിനത്തിൽ കോൺഗ്രസ് നേതാവ് രമേശ് ചെന്നിത്തല അമ്പൂരിയിലെ ആദിവാസി കോളനിയായ പുരവിമലയിലെത്തും. ഇന്ന് രാവിലെ 9 മണിയോടെ എട്ട് മണിക്കൂറോളം വനത്തിലൂടെ നടന്നാണ് ചെന്നിത്തലയും സംഘവും പുരവിമലയിലെത്തുക. കെ.പി.സി.സി അദ്ധ്യക്ഷനായിരുന്ന കാലത്ത് പട്ടികജാതി പട്ടികവർഗ വിഭാഗത്തിന്റെ ഉന്നമനം ലക്ഷ്യമിട്ട് തുടങ്ങിയ ഗാന്ധിഗ്രാം പദ്ധതിയുടെ ഭാഗമായാണ് പുതുവർഷത്തിന് പുരവിമലയിലെത്താൻ തുടങ്ങിയത്. ഇവിടയുള്ള കാണി വിഭാഗത്തിലെ 512 ആദിവാസി കുടംബങ്ങൾക്കൊപ്പം ഉച്ചഭക്ഷണം കഴിച്ച് പരമ്പരാഗത കലാപരിപാടികളും വീക്ഷിച്ച ശേഷമാണ് മടങ്ങുക.