തിരുവനന്തപുരം: കേരള ലൈവ് സ്റ്റോക്ക് ഇൻസ്‌‌പെക്ടേഴ്സ് അസോസിയേഷൻ സംസ്ഥാന സമ്മേളനം ഇന്ന് നടക്കും. വൈലോപ്പിള്ളി സംസ്കൃതി ഭവനിൽ പൊതുസമ്മേളനം മന്ത്രി ആന്റണി രാജുവും പ്രതിനിധി സമ്മേളനം മന്ത്രി കെ. കൃഷ്ണൻകുട്ടിയും ഉദ്ഘാടനം ചെയ്യും. ക്ഷീരകർഷകരെ അഡ്വ. മോൻസ് ജോസഫ് എം.എൽ.എയും വിരമിച്ച മുൻ സംസ്ഥാന നേതാക്കളെ ജില്ലാ മൃഗസംരക്ഷണ ഓഫീസർ ഡോ. ടി.എം. ബീനാ ബീവിയും ആദരിക്കും. വൈറ്ററിനറി ഉപകേന്ദ്രങ്ങൾ ശാക്തീകരിക്കുക, സ്ഥലംമാറ്റ ഉത്തരവ് മൃഗസംരക്ഷണ വകുപ്പിലും നടപ്പാക്കുക തുടങ്ങിയ ആവശ്യങ്ങൾ സമ്മേളനം മുന്നോട്ടു വയ്ക്കുമെന്ന് അസോസിയേഷൻ സംസ്ഥാന പ്രസിഡന്റ് രതീശൻ അരിമ്മൽ, ജനറൽ സെക്രട്ടറി സജികുമാർ. ജി എന്നിവർ പറഞ്ഞു.