ന്യൂഡൽഹി: ഇന്ത്യയുടെ യുദ്ധ പ്രതിരോധ മിസൈലിനെ വാങ്ങാനൊരുങ്ങി ഫിലിപ്പീൻസ്. 374.9 ദശലക്ഷം യുഎസ് ഡോളറിനാണ് ഫിലിപ്പീൻസ് മിസൈൽ സ്വന്തമാക്കാൻ തീരുമാനിച്ചത്. വെള്ളിയാഴ്ചയാണ് ഫിലിപ്പീൻസ് ദേശീയ പ്രതിരോധ വകുപ്പ് ഇക്കാര്യം ബ്രഹ്മോസ് അധികൃതരെ അറിയിച്ചത്. മിസൈൽ വാങ്ങുന്നതുമായി ബന്ധപ്പെട്ട കരാറിനെപ്പറ്റിയുള്ള ബ്രഹ്മോസ് എയ്‌റോസ്‌പേസിന്റെ പ്രതികരണം പത്ത് ദിവസത്തിനുള്ളിൽ ലഭിക്കണമെന്ന് ആവശ്യപ്പെട്ടിരിക്കുകയാണ് ഫിലിപ്പീൻസ് നാവികസേന.

ഇന്ത്യയുടെയും റഷ്യയുടെയും സംയുക്ത സംരംഭമാണ് ബ്രഹ്മോസ് സൂപ്പർസോണിക് ക്രൂയിസ് മിസൈൽ. ഇന്ത്യൻ നാവികസേനയും,വ്യോമസേനയും, സൈന്യവും നിലവിൽ ഉപയോഗിക്കുന്നത് ബ്രഹ്മോസ് മിസൈലാണ്. യുദ്ധക്കപ്പലിന്റെ വൈദഗ്ദ്ധ്യം കാരണം പല രാജ്യങ്ങളും ബ്രഹ്മോസ് മിസൈൽ വാങ്ങുന്നത് ലക്ഷ്യമിട്ടിരിക്കുകയാണ്. കര,കടൽ,വായു സേനകളുമായി സംയോജിച്ച് പ്രവർത്തിക്കാനുള്ള മിസൈലിന്റെ കഴിവും മറ്റു രാജ്യങ്ങളെ ആകർഷിക്കുന്നു.