SignIn
Kerala Kaumudi Online
Thursday, 19 September 2024 4.20 AM IST

സ്‌കൂളുകളിലെ വാക്‌സിനേഷൻ

Increase Font Size Decrease Font Size Print Page
vaccination

₹സംശയങ്ങൾക്കുള്ള മറുപടി

സംസ്ഥാനത്ത് നാളെ മുതൽ സ്‌കൂളുകൾ വഴി വാക്‌സിൻ വിതരണം ആരംഭിക്കാനിരിക്കെ കുട്ടികളും രക്ഷിതാക്കൾക്കുമുള്ള പൊതുവായ സംശയങ്ങൾക്കുള്ള മറുപടി.

ഏത് ക്ലാസുകളിലുള്ള കുട്ടികൾക്കാണ് വാക്‌സിൻ ?

പ്രായമാണ് വാ‌ക്‌സിനേഷന് അടിസ്ഥാനം. 15 മുതൽ 17 വയസ് വരെ പ്രായമുള്ള കുട്ടികൾക്കാണ് വാക്‌സിൻ നൽകുന്നത്. ഇവർ 2007ലോ അതിനുമുമ്പോ ജനിച്ചവരായിരിക്കണം.

മുൻകൂട്ടി രജിസ്റ്റർ ചെയ്യണമോ?

കൊവിൻ പോർട്ടലിൽ രജിസ്ട്രേഷൻ നിർബന്ധമാണ്. ഇത് സ്കൂൾ അധികൃതർ പൂർത്തിയാക്കും.

എല്ലാ സ്കൂളുകളിലും വാക്‌സിൻ ലഭ്യമാക്കുമോ?

500ൽ കൂടുതൽ കുട്ടികളുള്ള സ്‌കൂളുകളെ സെഷൻ സൈറ്റുകളായി തിരഞ്ഞെടുത്താണ് ആദ്യഘട്ടത്തിൽ വാക്‌സിനേഷൻ . തുടർന്ന് അതിൽ താഴെ കുട്ടികളുള്ള സ്കൂളുകളിലും വാ‌ക്‌സിൻ എത്തും.

വാക്‌സിൻ എടുത്താൽ ഉടൻ മടങ്ങാമോ?

കുത്തിവയ്പ്പെടുത്ത് അ രമണിക്കൂർ നിരീക്ഷണത്തിലിരിക്കണം. ഇതിനായി പ്രത്യേക മുറി സജ്ജമാക്കും. എന്തെങ്കിലും ബുദ്ധിമുട്ടുണ്ടെങ്കിൽ ആരോഗ്യപ്രവർത്തകരെ അറിയിക്കണം.

അസ്വസ്ഥതകളുണ്ടായാൽ അടിയന്തരസഹായം ലഭ്യമാകുമോ?

കുട്ടികൾക്ക് എന്തെങ്കിലും ബുദ്ധിമുട്ടകളുണ്ടായാൽ തൊട്ടടുത്ത എ.ഇ.എഫ്‌.ഐ മാനേജ്‌മെന്റ് സെന്ററിലെത്തിക്കും. ഇതിനായി സ്‌കൂളുകൾ ഓക്‌സിജൻ സൗകര്യമുള്ള ആംബുലൻസുകൾ സജ്ജീകരിക്കും

വാക്‌സിൻ എടുക്കാൻ എന്തെങ്കിലും തടസമുണ്ടോ?

ഇൻഫ്രാറെഡ് തെർമോമീറ്റർ ഉപയോഗിച്ച് വിദ്യാർത്ഥികളുടെ താപനില പരിശോധിക്കും. പനിയും മറ്റ് അസുഖങ്ങളുമുള്ള കുട്ടികൾക്ക് വാക്‌സിൻ നൽകില്ല.

എല്ലാദിവസവും വാക്‌സിനേഷൻ ഉണ്ടാകുമോ?

ഓരോ ജില്ലയിലും ആരോഗ്യ,വിദ്യാഭ്യാസ വകുപ്പുകൾ ചേർന്ന് ദിവസം തീരുമാനിക്കും. കുത്തിവയ്പ്പ് എടുക്കേണ്ട ദിവസവും സമയവും വിദ്യാർത്ഥികളെയും രക്ഷിതാക്കളെയും നേരത്തെ അദ്ധ്യാപകർ അറിയിക്കും.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: VACCINATION
KERALA KAUMUDI EPAPER
Kaumudi Salt & Pepper
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.