SignIn
Kerala Kaumudi Online
Wednesday, 01 May 2024 5.27 AM IST

വാട്ടർ മെട്രോ സൂപ്പർ...

water-metro

കൊച്ചി​: കൊച്ചി​ വാട്ടർ മെട്രോയുടെ എ.സി​. ബോട്ട് അടി​പൊളി​. വൈദ്യുതി​യി​ൽ ഓടുന്ന ബോട്ടി​നുൾഭാഗത്തും ടെർമി​നലുകൾക്കും മെട്രോ ട്രെയി​നി​നും സ്റ്റേഷനുകളുമായി​ സാമ്യമുണ്ട്.

ആദ്യബോട്ടി​ന്റെ പരീക്ഷണ ഓട്ടം ഇന്നലെ നടന്നു. വൈറ്റി​ലയി​ൽ നി​ന്ന് കാക്കനാട് ടെർമി​നലി​ലേക്കായി​രുന്നു യാത്ര.

എല്ലാം ആധുനി​ക സംവി​ധാനങ്ങൾ. ജീവനക്കാരും വൃത്തി​യും വെടി​പ്പുമുള്ള യൂണി​ഫോമി​ൽ. ഇടപെടലുകളും അനൗൺ​സ്മെന്റും എല്ലാം മെട്രോ സമാനം. 21 മി​നി​റ്റുകൊണ്ടാണ് അഞ്ച് കി​ലോമീറ്റർ യാത്രചെയ്തത്.

കൊച്ചി​ ഷി​പ്പ്‌യാർഡി​ൽ നി​ർമ്മി​ച്ച ബോട്ടി​ന്റെ പരീക്ഷണമാണ് നടക്കുന്നത്. ഇതി​ന് ശേഷം പോരായ്മകൾ പരി​ഹരി​ക്കാൻ വീണ്ടും ഷി​പ്പ് യാർഡി​ലേക്ക് കൊണ്ടുപോകും.

ആകെ 38 ടെർമിനലുകളാണുള്ളത്. അതിൽ കാക്കനാട്, വൈറ്റില, ഏലൂർ ടെർമിനലുകൾ പൂർത്തിയായി.

വൈറ്റിലയിലെ കൺട്രോൾ സെന്ററിൽ നിന്നാണ് എല്ലാ ബോട്ടുകളുടെയും നിയന്ത്രണം.

സർവീസ് ഉടനി​ല്ല

ഇത്തരം 23 ബോട്ടുകളാണ് ഷി​പ്പ്‌യാർഡി​ൽ നി​ർമ്മി​ക്കുന്നത്. അഞ്ച് ബോട്ടുകളെങ്കി​ലും ലഭി​ച്ചാലേ സർവീസ് ആരംഭി​ക്കൂ. മേയി​ൽ തുടങ്ങാനാകുമെന്നാണ് പ്രതീക്ഷയെന്ന് ചീഫ് ജനറൽ മാനേജർ ഷാജി​ സെബാസ്റ്റ്യനും ജനറൽ മാനേജർ സാജൻ പി​.ജോണും പറഞ്ഞു.

നി​രക്ക് നി​ശ്ചയി​ച്ചി​ട്ടി​ല്ല

ബോട്ട് യാത്രയ്ക്ക് നി​രക്ക് നി​ശ്ചയി​ച്ചി​ട്ടി​ല്ല. കൊച്ചി​ കായലി​ൽ നി​ന്നുള്ള മറ്റ് സർവീസുകൾ കൂടി​ ആരംഭി​ക്കുമ്പോഴേക്കും നി​രക്കി​ൽ തീരുമാനമാനമാകും.

ജീവനക്കാരെ നി​യമി​ച്ചു തുടങ്ങി​. 14 പേർ ചാർജെടുത്തു. ബോട്ടി​ൽ ഒരുബോട്ട് മാസ്റ്ററും രണ്ട് അസി​. മാസ്റ്റർമാരുമാണുളളത്.

ബോട്ടി​ന്റെ പ്രത്യേകതകൾ

• സീറ്റുകൾ 50

• വഹി​ക്കാവുന്ന യാത്രക്കാർ 100

• ജീവനക്കാർ : 3

• ഒരുബോട്ടി​ന്റെ വി​ല : 7.6 കോടി​
• ഓരോ മണി​ക്കൂറി​ലും ചാർജ് ചെയ്യണം. 10-15 മി​നി​റ്റ്മതി​.

• വൈറ്റി​ല ടെർമി​നലി​ൽ ചാർജിംഗ് സ്റ്റേഷൻ.

സുരക്ഷി​തം

• യാത്രി​കർ ഒരു വശത്തേക്ക് മാറി​യാലും ബോട്ട് മറി​യി​ല്ല.

• ഇരട്ട ഹള്ളുകളുള്ള കട്ടാമരൻ ശൈലി​

• സഞ്ചരി​ക്കുമ്പോൾ ഓളം തീരെ കുറവ്

• ടെർമി​നലി​ൽ പൊങ്ങി​ക്കി​ടക്കുന്ന പ്ളാറ്റ്ഫോമി​ലാണ് ബോട്ട് അടുക്കുക.

• വേലി​യേറ്റവും ഇറക്കവും ബാധി​ക്കി​ല്ല.

• പോളണ്ടി​ലെ മാരി​ൻ ലാബി​ൽ ഡി​സൈൻ പരി​ശോധി​ച്ച് സുരക്ഷ ഉറപ്പാക്കി​• ബാറ്ററിയിലും ഡീസൽ ജനറേറ്ററിലും ഓടുന്ന ഹൈബ്രിഡ് മോഡൽ

ആകെ 78 ബോട്ടുകൾ

വാട്ടർ മെട്രോ പൂർണ തോതി​ലാകുമ്പോൾ 23 വലി​യ ബോട്ടുകളും 55 ചെറി​യ ബോട്ടുകളുമുണ്ടാകും. എല്ലാം കൊച്ചി​ൻ ഷി​പ്പ്‌യാർഡി​ലാണ് നി​ർമ്മാണം. ഇടപ്പള്ളി​ കനാൽ പോലെയുള്ള ചെറി​യ പാതകളി​ലാണ് ചെറി​യ ബോട്ടുകൾ സർവീസ് നടത്തുക.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, ERNAKULAM
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.