രവീന്ദ്രൻ പട്ടയം റദ്ദാക്കിയതിനെതിരായ ഹർജി മാറ്റി

കൊച്ചി: രവീന്ദ്രൻ പട്ടയം റദ്ദാക്കിയതിനെതിരെ ഇടുക്കി കഞ്ഞിക്കുഴി സ്വദേശി ശിവൻ നൽകിയ ഹർജിയിൽ വിശദീകരണം നൽകാൻ സർക്കാർ സമയം തേടിയതിനെത്തുടർന്ന് കേസ് ഏപ്രിൽ അഞ്ചിന് പരിഗണിക്കാൻ മാറ്റി. ജസ്റ്റിസ് ദേവൻ രാമചന്ദ്രന്റെ ബെഞ്ചാണ് ഹർജി പരിഗണിക്കുന്നത്. ഹർജിക്കാരന്റെ പട്ടയം റദ്ദാക്കുന്നത് തടഞ്ഞ ഇടക്കാല ഉത്തരവും നീട്ടി.