മിൽമയെ അനുകരിച്ച ഉത്പന്നങ്ങൾക്കെതിരെ നടപടി: കെ.എസ് മണി

തിരുവനന്തപുരം: മിൽമയുടെ പേരിനോടും രൂപകൽപ്പനയോടും സാമ്യമുളള ഉത്പന്നങ്ങൾ വിതരണം ചെയ്യുന്ന സ്ഥാപനങ്ങൾക്കെതിരെ നിയമനടപടി സ്വീകരിച്ചതായി മിൽമ ചെയർമാൻ കെ.എസ് മണി അറിയിച്ചു. മഹിമ,മിൽന എന്നീ സ്ഥാപനങ്ങൾക്കെതിരെയാണ് നിയമ നടപടി ആരംഭിച്ചത്. മഹിമ ബ്രാൻഡിനെതിരെ തിരുവനന്തപുരം ജില്ലാ കോടതിയിൽ നിന്നും മിൽന ബ്രാൻഡിനെതിരെ തിരുവനന്തപുരം കൊമേഷ്യൽ കോടതിയിൽ നിന്നും മിൽമയ്‌ക്ക് അനുകൂലമായി ഉത്തരവ് ലഭിച്ചിട്ടുണ്ട്. സമാന രീതിയിൽ പ്രവർത്തിക്കുന്ന മറ്റ് സ്ഥാപനങ്ങൾക്കെതിരെയും കർശന നിയമ നടപടികൾ സ്വീകരിക്കുമെന്നും അദ്ദേഹം പറഞ്ഞു.