ജെ.ഇ.ഇ മെയിൻ പരീക്ഷ വീണ്ടും മാറ്റി

ന്യൂഡൽഹി: ദേശീയ എൻജിനിയറിംഗ് പ്രവേശന പരീക്ഷ (ജെ.ഇ.ഇ മെയിൻ) വീണ്ടും മാറ്റി. സെഷൻ ഒന്ന് ജൂൺ 20 മുതൽ 29 വരെയും സെഷൻ രണ്ട് ജൂലായ് 21 മുതൽ 30 വരെയും നടക്കും. സെഷൻ ഒന്ന് രണ്ടാം തവണയാണ് മാറ്റിവയ്ക്കുന്നത്. സെഷൻ ഒന്നിന്റെ രജിസ്ട്രേഷൻ നടപടികൾ പൂർത്തിയായി. രണ്ടാം സെഷന്റെ അപേക്ഷ ഉടൻ ആരംഭിക്കും.

 അഡ്വാൻസ്ഡ് പരീക്ഷ മാറ്റിയേക്കും

ഐ.ഐ.ടി പ്രവേശനത്തിനുള്ള ഈ വർഷത്തെ ജെ.ഇ.ഇ അഡ്വാൻസ്ഡ് പരീക്ഷ ജൂലായ് മൂന്നിന് നടത്താനാണ് നിശ്ചയിച്ചിരുന്നത്. എന്നാൽ മെയിൻ പരീക്ഷയുടെ തീയതി മാറ്റിയ സാഹചര്യത്തിൽ അഡ്വാൻസ്‌ഡ് പരീക്ഷയുടെ തീയതിയിലും മാറ്റം വന്നേക്കും. ജെ.ഇ.ഇ പരീക്ഷയിൽ മികച്ച വിജയം നേടുന്നവർക്കാണ് അഡ്വാൻസ്ഡ് പരീക്ഷയിൽ അവസരം ലഭിക്കുക.